Sushi kvöld

Í vikunni þá gerðum við vinkonurnar sushi og áttum ansi gott kvöld saman. Það er lang skemmtilegast þegar að allir dúlla sér saman við að gera matinn. Við borðuðum á okkur gat og meira til, drukkum smá vín og höfðum gaman. 

 Ferskur lax, túnfiskur, krabbi og rækja. 

 Stelpurnar mjög duglegar og einbeittar að skera. 

 Agla og Erna ánægðar með matinn

 Tempura rúllur. Ein rúlla með lax og hin með rækju. Dásamlega gott, það er svolítið þannig að allt sem er djúpsteikt er gott. 

 Spicy tuna rúlla, uppáhalds. Ég var þó ekki alveg hundrað prósent ánægð með rúlluna, fyrsta skipti sem ég prufaði að búa til hana þannig ég ætla að búa hana til fljótt aftur og þá læt ég uppskrift fylgja. 

Ferskur túnfiskur, graslaukur, spicy mayo, masago og gúrka spila lykilhluverk í rúllunni :) 

 Sætar vinkonur mínar

Ljómandi gott sushi og gott kvöld. 

Ég vona að þið eigið góða helgi 

xxx

Eva Laufey Kjaran

Sushi

Í gær þá ákvað ég að laga sushi, í fyrsta sinn ein.

Lax, lúða, krabbi, allskyns grænmeti, risarækjur og hrísgrjón.

Það tók smá tíma að laga hrísgrjónin og smá dúll að laga bitana, en vel þess virði vegna þess að sushi er svo dásamlega gott.  

 Ferskt og gott hráefni.

 Fallegur lax.

 Sushirúlla, svo gat ég ekki tekið fleiri myndir vegna þess að ég var orðin svo klístruð. Þannig þetta eru einu myndirnar af sushigerðinni sjálfri. :)

 Afmælisbarnið komin í betri klæðin og spennt fyrir sushiáti

 Þessi er uppáhalds. Djúpsteikt rúlla með risarækju.

 Lax og lúða.

 Afmælisborðið.

 Lax, avókadó, vorlaukur og rjómaostur. Delish.

Sushi og hvítvín.

Mikið sem ég er heppin að eiga góða í kringum mig því ég átti ansi ljúfan afmælisdag.

Í dag er þjóðhátíðardagur norðmanna, hann er sko haldinn með pompi og prakt. Ég ætla að drífa mig í kjól og fara niður í bæ. Fagna Noregi með norðmönnum.

xxx

Eva Laufey Kjaran

Tengdadætur og sushi

 ..Við kvöddum París með trega í morgun. Yndisleg borg og við höfðum það virkilega huggulegt. En það er líka best að koma heim, hvort sem að maður fer í burtu í fáeina daga eða nokkra mánuði þá er tilfinningin alltaf sú sama. Heima er best. 

Það var svo heljarinnar sushi-teiti í Haraldarhúsi í kvöld. Tengdadætur + sushi. Ansi huggulegt kvöld. Þetta var í fyrsta sinn sem að ég hef komið nálægt því að laga sushi og það tókst bara ansi vel hjá okkur. Í eftirrétt voru svo franskar makkarónur sem ég keypti í morgun rétt áður en að við flugum heim. Delish. :o) 

Það  kemur líkast til ekki á óvart að ég hendi fáeinum myndum með þessari færslu. Ég er ekkert sérlega öflugur penni og því fá myndirnar oftast nær að tala sínu máli og njóta sín. 

Vonandi hafið þið gaman af kæru lesendur 

xxx