Súkkulaði panna cotta með heitri berjasósu

Ítalir eru ekki eingöngu þekktir fyrir gott pasta og góðar pizzur en eftirréttirnir þeirra eru guðdómlegir. Einn af mínum eftirlætis eftirréttum er súkkulaði Panna Cotta með berjasósu, þið getið auðveldlega skipt dökka súkkulaðinu út fyrir hvítt súkkulaði. Mér finnst mjög fínt að bera fram þennan eftirrétt í veislum, sér í lagi vegna þess að ég get gert hann kvöldinu áður og það minnkar stressið sem kemur stundum upp þegar von er á mörgum í mat. Það er nefnilega svo fínt að undirbúa nokkra rétti fyrirfram og þessi er einmitt þannig að hann er betri því lengur sem hann fær að vera í kælinum, upplagt að gera hann kvöldinu áður og leyfa honum að jafna sig í rólegheitum yfir nótt. 

Sannkölluð súkkulaðisæla sem allir elska. 

 Súkkulaðibúðingur með heitri berjasósu

• 500 ml rjómi

• 150 g suðusúkkulaði 
• 2 msk sykur
• fræin úr 1 vanillustöng 

• 2 plötur matarlím


Aðferð: 

Leggið matarlímsblöð í kalt vatn í 4 – 6 mínútur.

Á meðan hitið þið rjóma að suðu og bætið súkkulaði saman og bræðið í rólegheitum.

Hrærið í á meðan og þegar súkkulaðið er bráðnað bætið þið sykri og vanillu saman við,  í lokin kreistið þið vökvann frá matarlímsblöðum og hrærið út í vanillublönduna.

Hellið í skálar og geymið í kæli að minnsta kosti í tvær til þrjár klukkustundir, best  yfir nótt. 


Heit berjasósa með vanillu 

• 3 dl bláber 
• 3 dl hindber 
• 2 dl sykur 
• safinn og börkur af hálfri appelsínu 
• ½ tsk kanill
• fræin úr 1 vanillustöng  

Aðferð: 

Setjið öll hráefnin í pott og náið upp suðu, leyfið sósunni að malla í 3 – 5 mínútur. Berið fram með súkkulaðibúðingnum og njótið vel. 

Njótið vel.

xxx

Eva Laufey Kjaran Hermannsdóttir

Allt hráefni sem notað er í þessa uppskrift fæst í verslunum Hagkaups.

Marengskaka með daimkremi og ferskum hindberjum

Ég deildi nokkrum uppskriftum í Nýju Lífi fyrir jólin þ.á m. uppskrift að marengsköku sem fær mig alltaf til að brosa. Já, brosa.. ég elska góðar marengskökur og þær eru svo einfaldar sem er alltaf plús. Ég geri yfirleitt botninn kvöldinu áður og leyfi botninum að kólna yfir nótt, svo skelli ég góðu rjómakremi yfir og skreyti fallega. Einfaldara verður það varla! Það er upplagt fyrir ykkur sem eruð að gera jólaísinn og notið eflaust bara rauðurnar að geyma eggjahvíturnar og búa til marengs til að eiga um jólin, það eru allir svo hrifnir af marengskökum og gott að eiga nokkra botna í frystinum. 

Marengshreiður með súkkulaðirjóma og ferskum berjum 

Botn:

• 6 eggjahvítur
• 150 g sykur
• 150 g púðursykur
• 1 tsk mataredik
• 1 tsk vanilla extract (eða dropar)
• salt á hnífsoddi 

Aðferð: 

Þeytið eggjahvítur með salti, bætið sykri saman við í þremur skömmtum og þeytið vel á milli. Bætið ediki og vanilludropum saman við þegar marensinn er orðinn stífur. Teiknið hring á bökunarpappír, u.þ.b. 24 cm í þvermál, og smyrjið marens á pappírinn. Bakið marensinn við 100° Cí 90 mín. Slökkvið á ofninum, opnið hurðina og látið marensinn kólna  í að minnsta kosti 3 klst í ofninum.

Rjómakrem með Daim 

• 200 ml rjómi
• 2 – 3 msk flórsykur
• 1 tsk vanilla extraxt eða drooar
• 100 g Daim súkkulaði
• Fersk ber
• Dökkt súkkulaði

 Aðferð: 

Þeytið rjóma, bætið flórsykri og vanilla út í á meðan þeytt er. 

Saxið Daim súkkulaðið afar smátt og blandið saman við með sleikju. Setjið rjómablönduna yfir marengsbotninn og skreytið kökuna að vild með ferskum berjum. Saxið niður dökkt súkkulaði og sáldrið yfir kökuna í lokin. 

Marengshreiður með súkkulaðirjóma og ferskum berjum 

Botn:

• 6 eggjahvítur
• 150 g sykur
• 150 g púðursykur
• 1 tsk mataredik
• 1 tsk vanilla extract (eða dropar)
• salt á hnífsoddi 

Aðferð:

Þeytið eggjahvítur með salti, bætið sykri saman við í þremur skömmtum og þeytið vel á milli. Bætið ediki og vanilludropum saman við þegar marensinn er orðinn stífur. Teiknið hring á bökunarpappír, u.þ.b. 24 cm í þvermál, og smyrjið marens á pappírinn. Bakið marensinn við 100° Cí 90 mín. Slökkvið á ofninum, opnið hurðina og látið marensinn kólna  í að minnsta kosti 3 klst í ofninum.

Rjómakrem með Daim 

• 200 ml rjómi
• 2 – 3 msk flórsykur
• 1 tsk vanilla extraxt eða drooar
• 100 g Daim súkkulaði
• Fersk ber
• Dökkt súkkulaði

 Aðferð: 

Þeytið rjóma, bætið flórsykri og vanilla út í á meðan þeytt er.

Saxið Daim súkkulaðið afar smátt og blandið saman við með sleikju. Setjið rjómablönduna yfir marengsbotninn og skreytið kökuna að vild með ferskum berjum. Saxið niður dökkt súkkulaði og sáldrið yfir kökuna í lokin.

Njótið vel kæru lesendur.

xxx

Eva Laufey Kjaran Hermannsdóttir

Öll hráefni sem notuð voru í þessa uppskrift fást í verslunum Hagkaups. 

Fyllt kalkúnabringa með öllu tilheyrandi

Ég var búin að deila með ykkur eftirréttinum sem ég gerði fyrir hátíðarblað Hagkaups fyrir jólin en það var dásamleg After Eight terta sem ég mæli með að þið prófið en nú er komið að því að deila aðalréttinum með ykkur. Fyllt kalkúnabringa með waldorf salati, rósakáli, sætri kartöflumús og villisveppasósu sem allir elska. Þessi máltíð verður á boðstólnum hjá mér þessi jólin og ég get varla beðið. Ég elska kalkún og er sérstaklega hrifin af kalkúnabringu, hún er einstaklega safarík og bragðmikil. Tala nú ekki um með góðu meðlæti...nokkrir dagar í þessa ljúffengu máltíð sem ég vona að flestir prófi. 

Njótið vel kæru lesendur. 

Fyllt hátíðarkalkúnabringa með öllu tilheyrandi.

Fylling


• 40 g smjör
• 200 g sveppir
• 2 meðalstórir skallottulaukar
• 1 sellerí stilkur
• 1 epli
• 100 g beikon
• 3 msk rjómaostur
• tímían
• steinselja
• kalkúnakrydd
• 4 döðlur
• salt og pipar

Aðferð:

Hitið smjör á pönnu og steikið sveppi, lauk, sellerí, epli og beikon í örfáar mínútur. Setjið öll hráefnin í matvinnsluvél og maukið vel saman.

Kalkúnabringan

Aðferð: 

Vasar skornir í bringuna og fyllingunni stungað ofan í. Bringurnar brúnaðar á pönnu á háum hita á öllum hliðum, kryddið til með salti, pipar og kalkúnakryddi. Gott er að kreista smá sítrónusafa yfir. Leggið bringuna í eldfast mót og inn í ofn við 170°C í 50 – 55 mínútur, hækkið hitann undir lokin til þess að fá góða grillaða húð. Steikingartíminn fer eftir stærð en best er að nota kjöthitamælir og þegar hitamælirinn sýnir 65°C er bringan tilbúin. Leyfið bringunni að standa í 10 mínútur áður en hún er skorin og borin fram.

Sætkartöflumús með piparosti


• 5–600 g sætar kartöflur

• 1–2 msk. smjör

• smá rjómi
• 1 – 2 msk rjómaostur

• salt og pipar



Aðferð:
Sætar kartöflur eru skrældar og skornar í svipað stóra bita. Þær eru svo settar í pott og vatn rétt látið fljóta yfir. Suðan látin koma upp og soðið í 25–30 mínútur eða þar til að kartöflurnar eru orðnar mjúkar. Vatninu er síðan hellt af. Kartöflurnar stappaðar fínt með smjöri og bragðbættar með rjóma, rjómaosti, salti og pipar.



Rósakál steikt á pönnu með beikoni og rjóma


• 500 g ferskt rósakál

• 100 g beikon
• 1½  dl rjómi
• salt og pipar


Aðferð:
Rósakálið er skolað, hreinsað og skorið í tvennt. Sjóðið rósakálið í léttsöltu vatni í 2–3 mínútur. Vatninu er síðan hellt af. Setjið smjörklípu á pönnu, skerið beikonið í litla bita og steikið á pönnunni. Bætið rósakálinu saman við beikonið og steikið í 5 mínútur við vægan hita. Rjómanum er síðan bætt út á pönnuna og kryddað til með salti og pipar. Leyfið rósakálinu og beikoninu að malla í rjómanum við vægan hita í nokkrar mínútur.



Waldorfsalat


• 2 græn epli
• 1½ sellerí

• 25 græn vínber

• 1 dós sýrður rjómi

• 2–3 msk. þeyttur rjómi

• 2 dl valhnetur, þurrristaðar á pönnu

• 1 tsk. agavesíróp

• Súkkulaði

Aðferð:
Kjarnhreinsið eplin, flysjið og skerið í litla bita. Skerið sellerí í litla bita. Skerið vínber í tvennt. Grófhakkið hneturnar og þurrristið á pönnu. Pískið saman sýrðan rjóma og rjóma. Blandið síðan öllu saman í skál og sáldrið smá súkkulaði yfir í lokin. Geymið í kæli þar til salatið er borið fram.

Villisveppasósa

• 1/2 L rjómi 
• 1/2 - 3/4 villisveppaostur frá MS
• 1 teningur sveppakraftur
• salt og pipar

Aðferð: Bræðið ostinn í rjómanum við vægan hita, hrærið stöðugt í á meðan og bætið einum sveppatening saman við. Kryddið til með salti og pipar. Sósan er tilbúin um leið og osturinn er bráðnaður.

xxx

Eva Laufey Kjaran Hermannsdóttir

Öll hráefni í þessar uppskrifir fást í verslunum Hagkaups.

Piparkökubollakökur með ómótstæðilegu karamellukremi

Það er einungis vika í aðfangadag og eflaust margir í miklu bakstursstuði þessa dagana, þetta er nefnilega tíminn til að njóta. Ég elska að koma heim eftir vinnu, kveikja á kertum og baka eitthvað gott með Ingibjörgu Rósu minni. Við bökuðum þessar ljúffengu piparkökubollakökur um daginn og þær voru virkilega góðar og skemmtileg tilbreyting frá klassísku piparkökunum. Einföld, fljótleg og góð uppskrift sem ég mæli með að þið prófið fyrir jólin. Endilega fáið börnin ykkar til þess að taka þátt í bakstrinum, þau eru nefnilega svo miklir snillingar og hafa gaman af þessu. 

Piparkökubollakökur með karamellukremi 

ca. 18 - 20 bollakökur

• 250 g sykur
• 140 g smjör, við stofuhita
• 3 egg við stofuhita
• 250 g Kornax hveiti 
• 1 tsk lyftiduft
• 2 dl rjómi
• 2 tsk vanilla extract eða vanillusykur (það er líka gott að nota fræin úr vanillustöng)
• 1 tsk kanill
• ½ tsk malaður negull
• ½ tsk hvítur pipar
• ½ tsk engifer krydd
• Bollakökuform

Aðferð: Hitið ofninn í 180°C. Þeytið saman smjör og sykur í um það bil þrjár mínútur, bætið einu og einu eggi saman við. Þeytið vel á milli. Sigtið saman hveiti og lyftiduft, bætið hveitiblöndunni, vanillu, rjómanum og kryddum saman við eggjablönduna og þeytið mjög vel í nokkrar mínútur þar til blandan verður silkimjúk. Skiptið deiginu niður í bollakökuform og bakið við 180°C í 15 - 18 mínútur. Kælið kökurnar mjög vel áður en þið smyrjið á þær krem.

Karamellukrem

• 200 g smjör, við stofuhita
• 400 g flórsykur
• 4 msk þykk karamellusósa t.d. dulce de leche
• ½ tsk kanill
• 1 tsk vanilla extract eða vanillu sykur

Aðferð: Þeytið smjör og flórsykur saman í nokkrar mínútur, því lengur sem þið hrærið kremið því betri áferð verður á því. Bætið karamellu, kanil og vanillu út í og þeytið enn betur í 2 - 3 mínútur. Setjið kremið í sprautupoka og skreytið kökurnar að vild. Það er afar gott að rífa niður smá súkkulaði og skreyta kökurnar með súkkulaðibitum eða ferskum berjum.

Njótið vel. 

xxx

Eva Laufey Kjaran Hermannsdóttir

Öll hráefnin sem voru notuð í þessa uppskrift fást í verslunum Hagkaups.