Bananapönnukökur með Chia fræjum

Ég er sífellt að prófa mig áfram með hollari uppskriftir handa Ingibjörgu Rósu og að sjálfsögðu fyrir sjálfa mig líka. Það er svo auðvelt að grípa í hvítt brauð og eitthvað sem er kannski ekkert svo hollt og gott fyrir okkur. Hér er hollari útgáfa að pönnukökum sem ég baka oft handa okkur og eru mjög góðar. Gott er að setja t.d. ost og gúrku sem álegg ofan á þessar pönnsur. Prófið ykkur endilega áfram.

Bananapönnukökur með Chia fræjum 

ca. 8 litlar pönnukökur

•  2 egg
• 1 1/2 banani 
• 1 - 1,5 dl Kornax heilhveiti 
• 1 msk Chia fræ 
• Smá kanill

Aðferð: 

1. Létt þeytið eggin, stappið banana og blandið saman. 

2. Bætið hveitinu smám saman við, byrjið á því að setja minna en meira ef ykkur finnst deigið of blautt þá bætið þið einfaldlega meiri hveiti saman við. 

3. Í lokin bætið þið Chia fræjum og kanil út í og hrærið vel. 

4. Hitið smjör á pönnukökupönnu og steikið í ca. 2 - 3 mínútur á hvorri hlið.

5. Berið fram með smjöri og osti. Svakalega gott og og hollt!

Njótið vel.

xxx

Eva Laufey Kjaran Hermannsdóttir

Allt hráefni sem notað er í þessa uppskrift fæst í verslunum Hagkaups.

Ofnbakaðar brauðsnittur í einum grænum

Ég fékk vinkonur mínar í sunnudagskaffi um daginn og ákvað að gera nokkrar snittur, mér finnst nefnilega mikilvægt að hafa eitthvað brauðmeti á boðstólnum og þá sérstaklega ofnbakað. Með öllum sætu kökunum þarf að vera brauðbiti inn á milli, til að jafna þetta út. Ég elska góða osta og ákvað að gera einfaldar brauðsnittur með Dala Koll og mangó chutney. Snitturnar kláruðust og ég á eftir að gera þessar oftar en einu sinni í viðbót. Mig langar líka að búa til mitt eigið mangó chutney í bráð, en það fær að bíða aðeins til betri tíma og auðvitað fáið þið að fylgjast með því þegar ég ræðst í það verkefni. 

Ofnbakaðar brauðsnittur með hvítmygluosti og mangó chutney

• 1 snittubrauð
• Dala kollur 
• Mangó chutney 
• Steinselja

Aðferð:

1. Skerið snittubrauðið í jafn stórar sneiðar. 

2. Leggið eina til tvær ostsneiðar yfir hverja brauðsneið.
3. Setjið góða matskeið af mangó chutney yfir ostinn. 

4. Bakið við 180°C í 5 - 7 mínútur eða þar til osturinn verður gullinbrúnn. 

5. Skreytið snitturnar með steinselju og berið strax fram. 

Ofboðslega einfalt og gott. Tilvalið þegar þið eigið von á gestum með skömmum fyrirvara eða þegar þið viljið gera vel við ykkur á köldu vetrarkvöldi.

Það þarf ekki að vera flókið að útbúa veitingar og svona réttir slá alltaf í gegn.

xxx

Eva Laufey Kjaran Hermannsdóttir

Allt hráefni sem notað er í þessa uppskrift fæst í verslunum Hagkaups.

Skinkuhorn með Camenbert og papriku.

Það er virkilega notalegt að vera í sumarfríi með dömunni minni og byrja daginn á bakstri, við Ingibjörg Rósa bökuðum þessi skinkuhorn um daginn og þau runnu ljúft niður. Ég prófaði í fyrsta sinn að nota Camenbert smurost í skinkuhornin og það kom mjög vel út, einnig skar ég niður rauða papriku og það var mjög gott. Ingibjörgu fannst voðalegt sport að fá að taka sér horn og smakka. Ég hlakka mikið til þegar hún verður aðeins eldri og verður farin að taka virkan þátt í bakstrinum. Ég var svo heppin að alast upp við kökuilm og ég ætla gera mitt allra besta svo hún fái það líka. 

Ég hef bakað þessi horn mjög oft, ég breyti fyllingunni gjarnan í hvert skipti en grunnurinn er alltaf sá sami og fékk ég uppskriftina hjá Kollu vinkonu minni. 

Skinkuhorn með Camenbert og papriku 

ca. 40 meðalstórn skinkuhorn

• 900 g Kornax hveiti (gæti þurft meira en minna)
• 60 g sykur
• ½ tsk salt 
• 100 g smjör
• 500 ml mjólk 
• 1 pakki þurrger, 12 g 

Fylling

• 1 askja Camenbert smurostur
• 1 askja papriku smurostur
• 1 rauð paprika
• 250 g skinka
• rifinn ostur 

Ofan á: 

• 1 egg
• 1 msk mjólk
• Rifinn ostur

Aðferð: 

1. Hitið mjólk í potti, mjólkin á að vera volg.
2. Vekjið gerið í mjólkinni, en það tekur um það bil fimm mínútur. Um leið og það byrjar að freyða í skálinni er gerblandan tilbúin.
3. Bræðið smjör.
4. Blandið öllu saman í skál og hnoðið deigið mjög vel, ég leyfi hnoðaranum á hrærivélinni minni að sjá um verkið en þá tekur það um bil bil fimm til sex mínútur. (ef ykkur finnst deigið of blautt þá bætið þið meira hveiti saman við, deigið er tilbúið þegar það festist ekki lengur við hrærivélaskálina)
5. Setjið viskastykki yfir skálina og leyfið deiginu að lyfta sér í rúmlega klukkustund eða þar til það hefur tvöfaldast og jafnvel þrefaldað stærð sína.
6. Hitið ofninn í 180°C.
7. Skiptið deiginu niður í fimm einingar (um 300 - 350 g hver eining)
8. Fletjið út hverja einingu í hring og skerið í átta þríhyrninga. 
9. Skerið skinku og papriku og blandið saman við smurostinn í skál.
10. Setjið fyllingu í hvern þríhyrning og dreifið smá osti yfir. 
11. Rúllið deiginu frá breiðari endanum þegar þið lokið hornunum. 
12. Pískið eitt egg og smá mjólk saman og penslið yfir hornin. Gott er að sáldra rifnum osti eða kornum yfir hornin áður en þau fara inn í ofn við 200°C í 10 - 12 mínútur eða þar til þau verða gullinbrún.

 Ég vona að þið njótið vel.

xxx

Eva Laufey Kjaran Hermannsdóttir

Allt hráefni í þessa uppskrift fæst í verslunum Hagkaups. 

Kornbrauð

Ég sá svo girnilega uppskrift af brauði um daginn og ákvað að prufa að laga mína útgáfu, henti út hvítu hveiti og bætti inn frekar mikið af kornum. Brauðið var sérlega gott og sérstaklega þegar að það var nýkomið út úr ofninum, fátt betra í morgunsárið en nýbakað brauð. Mjög einföld uppskrift, þið getið notað þau korn sem að ykkur þykir best og um að gera að prufa sig áfram. 

Kornbrauð

170 gr. Grófmalað spelt

80 gr. Haframjöl

1 1/2  dl. Létt ab mjólk

2 dl. Mjólk

1 tsk. Lyftiduft

1/2 tsk. Salt

2 msk. Sólblómafræ

2 msk. Sesamfræ

2 msk. Graskersfræ

1 msk. Mjólk til að pensla með

2 - 3 msk. Blönduð fræ til að strá yfir brauðið. 

Setjið þurrefni saman í skál og blandið þeim vel saman. Hellið ab-mjólk og venjulegri mjólk út í og hrærið þar til deigið verður orðið samfellt. Mótið eitt brauð úr deiginu. Setjið bökunarpappír á ofnplötu (Ég átti ekki bökunarpappír og því varð smá vesen að taka brauðið af plötunni eftir baksturinn). Setjið brauðið á ofnplötuna, penslið mjólk yfir brauðið og stráið blönduðum fræjum ofan á. 

Inn í ofn við 200°C í 25 mín. 

Gott að hefja daginn á því að fá sér nýbakað brauð með allskyns áleggi.

Ég vona að þið hafið það gott í dag. 

xxx

Eva Laufey Kjaran

Hrökkbrauð

Hrökkbrauð er í miklu eftirlæti hjá mér. Það er eitthvað við þetta stökka og þunna brauð sem ég fæ ekki nóg af. Það erh 

• 
  
• 
  
• 
  
• 4 dl. Haframjöl
• 4 dl. Rúgmjöl
• 1 dl. Graskersfræ
• 1 dl. Sólblómafræ
• 1 dl. Sesamfræ
• 1 dl. Hörfræ
• 7 dl. Vatn
• 1 msk. Hunang 

Aðferð:

1. Blandið öllum þurrefnum saman í skál. 
2. Bætið vatni og hunanagi saman við þurrefnin og blandið vel saman. 
3. Dreifið blöndunni á pappírsklædda ofnplötu. Skerið í deigið með pizzahníf áður en þið setjið deigið inn í ofn. 
4. Bakið við 160°C í 35 mínútur. Opnið hurðina á ofninum og bakið áfram í 10 mínútur, lokið síðan ofninum aftur og bakið í 20 mínútur. Þá ætti hrökkbrauðið að vera tilbúið. Leyfið hrökkbrauðinu að kólna svolítið áður en þið berið það fram. 

Fyllt ljúffengt brauð með fetaost og tómötum.

260 gr. Speltmjöl ( 130 gr. gróft og 130 gr. fínmalað)

25 gr. Ger

2.5 dl. Heitt vatn

2 msk. Ólífu olía

2 tsk. Santa María kryddblanda

1 msk. Graslaukur

50 gr. Fetaostur

Fylling: 

1oo gr. Fetaostur

150 gr. Philadelphia rjómaostur með hvítlauks-og kryddbragði.

3 tómatar, skornir smátt niður

Santa María kryddblanda

Aðferð:

• Hitið ofninn á 200°C
• Blandið þurrefnunum vel saman, hellið vökvanum út í og hrærið vel í nokkrar mínútur. 
• Látið deigið hefast á hlýjum stað í 30 - 40 mínútur. (Gott er að setja heitt vatn í vaskinn og láta skálina standa ofan í) 
• Hnoðið vel deigið og fletjið út. (Gott er að setja smá hveiti undir deigið svo það festist ekki við borðið) 
• Deigið er smurt með philadelphia rjómaostinum og tómötum er síðan bætt við sem og kryddblöndunni. Ca. 1 msk. 
• Lokið brauðinu og penslið með smá smjöri. 
• Inn í ofn í ca. 30 mínútur. 

 Stráið smá hveiti yfir deigið 

Ferlega gott brauð sem á alltaf vel við. 

Vonandi eigið þið góðan sunnudag og njótið þess að slappa af svona rétt áður en að ný vika hefst. 

xxx

xxx

Grænmetis Quiche

 Ég er ansi mikið fyrir Quiche.

Grunndeig fyrir Quiche.

150 g Kalt smjör

250 g Hveiti

1/2 tsk Salt

1 stk Eggjarauða 

4 msk Vatn

Skerið kalt smjörið niður í litla bita og hnoðið það saman við hveitið. Saltið síðan og vinnið deigið vel saman, bætið eggjarauðu og vatni saman við og gætið þess að vinna deigið ekki of mikið. Látið bökunardeig standa í kæli í minnsta kosti 30 mín áður en það er flatt út. Fletjið deigið þunnt út og setjið í form, gatið hér og þar með gaffli. Setjið smjörpappír yfir deigið  í forminu og fyllið upp með hrísgrjónum eða baunum til að botninn formist vel. Bakið botninn við 220°C eða þangað til hann hefur fengið smá lit.

Innihald. (Nú er hægt að leika sér að vild, bara það sem maður vill hverju sinni) 

Ég hafði í minni böku : 

1/2 Askja af sveppum

1. Rauðlaukur

1. Rauð paprika

1/2 Haus Brokkólí 

10 Kirsuberjatómatar

Handfylli af ferskum graslauk

3 stk Egg (2 heil egg og ein eggjahvíta)

100 ml Matreiðslurjómi

Grænmetið steikt á pönnu, ég notaði olíu en þeir sem vilja nota smjör nota smjör. Dreifið grænmetisblöndunni yfir grunndeigið. Pískið eggin með gaffli, setjið rjómann saman við og kryddið með salti og pipar áður en þið hellið yfir bökuna. Ég skar einn tómat og dreifði honum ofan á. Bakið við 190°C í um 25 mín.

Gott að setja rifinn ost yfir að bakstri lokum! 

xxx