Uppáhalds

Laugardagsmorgnar eru uppáhalds. Eftir ræktina í morgun þá brunaði ég beint í bakaríið og keypti dásamleg rúnstykki og meðlæti. Fór heim og bjó til safa, hellti upp á og bjó til lítinn bröns fyrir okkur þrjú hér heima. Mig, Hadda og Allan litla bró. Ég vona að ykkar laugardagur hafi farið vel af stað. Eigið góða helgi! 

xxx

Eva Laufey Kjaran

Takkógratín, dásamlegt gvakkamóle og ferskt salsa. Mexíkóskt fjör.

 Það einfalda er stundum það besta. Uppskriftirnar sem ég ætla að deila með ykkur í dag eiga það sameiginlegt að vera einfaldar, fljótlegar og ótrúlega góðar. Ég bauð fjölskyldu minni upp á þessa rétti í vikunni og þau voru voða ánægð með matinn. Ég ætlaði að vera búin að setja inn þessa uppskrift fyrir helgi en náði því miður ekki. Í dag er laugardagur og þá er svo sannarlega tilefni til þess að gera vel við sig og sína, takkóveisla með góðu meðlæti og góður félagsskapur er uppskrift að góðu kvöldi. 

Takkógratín 

fyrir þrjá til fjóra 

1 msk. ólífuolía
1 rauðlaukur, smátt skorinn
1/2 rautt chili, smátt skorið
3 hvítlauksrif, pressuð

2 - 3 meðalstórar gulrætur, smátt skornar

600 g nautahakk

1 rauð paprika, smátt skorinn

1 græn paprika, smátt skorinn

1 lítil dós gular baunir eða aðrar baunir sem ykkur finnst góðar

1 dós hakkaðir tómatar

1 poki Taco spice mix

3 - 4 dl. vatn

1/2 tsk. cumin(ísl.Broddkúmen)

nokkrir sveppir, smátt skornir (má sleppa, smekksatriði) 

1 msk. ferskur kóríander, smátt saxaður

salt og pipar, magn eftir smekk 

saltaðar nachosflögur 

rifinn ostur

ferskur kóríander

Aðferð:

 1. Við byrjum á því að hita olíu við vægan hita á víðri pönnu.

 2. Steikjum laukinn, chili, hvítlaukinn og gulrætur í smá stund.

3. Bætum nautahakkinu því næst saman við (þið getið auðvitað notað hvaða hakk sem ykkur finnst best). Kryddið til með salti og pipar. 

 4. Ég notaði Taco spice mix að þessu sinni. Bætið kryddinu saman við og vatni, blandið öllu vel saman. Svo bætum við restinni af hráefnunum saman við, hrærum vel í og kryddum til með salti og pipar. Gott er að leyfa þessu að malla við vægan hita í 15 - 20 mínútur. 

5. Hitið ofninn í 180°C. Hellið blöndunni í eldfast mót. Stingið mörgum nachosflögum meðfram forminu. Sáldrið ferskum osti yfir réttinn og í lokin er gott að saxa niður ferskann kóríander og setja smá ofan á. Bakið í ofni í 10 - 12 mínútur eða þar til osturinn er gullinbrúnn. 

Ég er ferlaga hrifin af takkógratíni, það er svo einfalt, fljótlegt og gómsætt. Mér finnst voða gott að bera það fram með gvakkamóle, fersku salsa, sýrðum rjóma og fersku salati. 

Hér kemur uppskrifin að gvakkamóle og fersku salsa. 

Gvakkamóle 'guacamole'

Ég gæti borðað gvakkamóle alla daga með öllu, mér þykir það svo afskalega gott. Það er fátt betra en að fá sér gvakkamóle með söltuðum nachosflögum.

2  meðalstórar lárperur, vel þroskaðar.

Safi úr einni límónu

1 rautt chili, fræhreinsað

Handfylli af kóríander

¼ tsk. cumin (ísl.Broddkúmin)

2- 3 hvítlauksrif

1 meðalstór rauðlaukur

Salt og pipar, magn eftir smekk

2 ferskir tómatar

Aðferð:

Setjið allt í matvinnsluvél og blandið vel saman þar til þetta verður að 

fínu mauki. Kryddið til með salti og pipar. Skerið ferska tómata í litla bita og blandið saman við með sleif. Setjið í skál og berið strax fram. 

Ferskt salsa ' Pico de gallo'

4 tómatar skornir í litla bita 

½ rauðlaukur, saxaður mjög smátt

2 msk. fínsaxaður kóríander

Maldon salt

Safi úr einni límónu.

Blandið öllu vel saman sem er í uppskriftinni og geymið í kæli í 30 mínútur. 

Ég vona að þið njótið vel og ég mæli með að þið prófið þessar uppskriftir. 

xxx

Eva Laufey Kjaran

Vinir í New York

Ég og Agla vorum í New York um daginn og hittum Stebba okkar sem var að flytja til borgarinnar. Þrátt fyrir stutt stopp náðum við þó að afreka ansi margt, best af öllu var þó að hittast, knúsast og hlæja. Planið er að fara í aðra heimsókn til hans í vor og vera þá örlítið lengur. Ég verð alltaf meira og meira skotin í borginni, mér fannst hún svolítið mikil fyrst, en ég kann alltaf betur og betur við mig þar.  Ég hlakka til að fara í vor með bestu vinum mínum og njóta borgarinnar í nokkra daga, það er svo margt í boði í New York. Eitthvað fyrir alla. Hér kemur smá myndaflóð, ég elska þessar myndir. Þessi dagur var frábær, veðrið dásamlegt og við nutum þess að vera túristar með derhúfur í stíl. 

Agla og Stefán að fara yfir málin, ég elska þessa mynd af þeim til vinstri. 

Við borðuðum morgunmatinn okkar í Bryant Park, hugguleg byrjun á deginum. 

 Við fórum upp í Rockefeller, létum aðra túrista taka myndir af okkur og tókum svo 'nokkrar' myndir sjálf. haha. Útsýnið er auðvitað engu líkt og það var nauðsynlegt að ná góðri mynd. 

 Mér finnst myndin af Öglu svo fín hér til hliðar. Sjá þetta fallega hár. 

 Dásemd.

 Agla og Stefán voru yfir sig ánægð að fara loksins í Magnolia bakaríið sem ég hef talað svo mikið um, þetta bakarí er það allra besta. Ég segi það satt. 

 Himneskar bollakökur og ég í sæluvímu með 'Red Velvet' bollakökuna mína. Við sátum í Central Park og borðuðum kökur og sóluðum okkur. 

 Vinir á Times Square. Þessi dagur var stórkostlegur, mér finnst erfitt og ótrúlega gaman að skoða þessar myndir. Erfitt að því leytinu til að mig langar að hoppa upp í flugvél með vinum mínum og heimsækja Stebba okkar. Það verður draumur í dós í vor þegar sú ferð verður að veruleika. 

xxx

Eva Laufey Kjaran

Steiktur fiskur með jógúrtsósu og fersku grænmeti.

Október genginn í garð, tíminn líður svo hratt. Nú eru margir að byrja í átaki því október er  meistaramánuður hjá svo mörgum, mér finnst það skemmtilegt. Ég ætla auðvitað að reyna að vera með líka, ég á bara svo ótrúlega erfitt með að vera í sérstöku átaki. Mér finnst súkkulaðimolinn svo góður. En allt er gott í hófi, hreyfing er nauðsynleg og fjölbreytt matarræði er það líka. Það þýðir þó ekki að við þurfum að banna okkur allskyns ljúfmeti. ;) Í október ætla ég að borða meira af fisk og grænmeti, ég er virkilega hrifin af fisk og gæti auðveldlega borðað hann á hverjum degi. Að matreiða fisk er einnig góð skemmtun, það er hægt að matreiða hann á svo marga vegu.  Í dag ætla ég að deila með ykkur uppskrift að steiktum fisk með karrí og sinnepsdufti. Ég var virkilega ánægð með þennan fiskrétt og langar þess vegna að deila honum með ykkur. 

Ljómandi góður steiktur fiskur

fyrir þrjá til fjóra 

2 - 3  ýsuflök (eða annar fiskur sem ykkur þykir góður) 

5 dl. hveiti

1 msk. karrí

1 msk. sinnepsduft 

2 msk. fersk smátt söxuð steinselja

salt og nýmalaður pipar, magn eftir smekk

2 egg + smávegis af mjólk

olía 

Aðferð: 

1. Við byrjum á því að hita olíu við vægan hita á pönnu.

2. Skolum fiskinn og skerum hann í bita. Blöndum hveitinu og kryddum saman. Pískum egg léttilega saman við 1 dl af mjólk. Veltum fisknum upp úr eggjablöndunni og síðan hveitiblöndunni. 

2. Steikjum fiskinn í olíunni í smá stund, sirka tvær mínútur á hvorri hlið. 

3. Þá er komið að því að láta fiskinn í eldfast mót, ég skar niður nokkra tómata og lét þá einnig í eldfasta mótið. Setjið fiskinn inn í ofn í 10 - 12 mínútur. Mér finnst gott að láta smá smjörklípu út á fiskinn áður en hann fer inn í ofn, smjörið er alltaf svo gott. :) 

. 

Meðlætið var afskaplega einfalt, fiskurinn er svo góður að allt annað er aukaatriði. Ég var með létta jógúrtsósu og ferskt salat. Ég hugsa að nýjar kartöflur væru líka mjög góðar með. 

Jógúrtsósa

6 - 7 dl. létt ab-mjólk

safi úr 1/2 límónu

2 msk. fersk steinselja, smátt söxuð

1 hvítlauksrif, pressað

1 tsk. agavesíróp

salt & pipar, magn eftir smekk

Blandið öllu saman í skal, geymið í kæli þar til þið ætlið að bera sósuna fram. Þessi sósa hentar vel með öllum fisk og kjúklingaréttum. 

Ferskt og gott salat, ég nota alltaf bara það sem ég á til í ísskápnum hverju sinni. Í þessu salati skar ég niður lárperu, mangó, agúrku, tómata og notaði klettasalat. Blanda öllu saman í skál, læt fetaost saman við og krydda alltaf smávegis með salti og pipar. 

Fljótlegt, einfalt og gott! 

Ég vona að þið prófið þessa uppskrift og ég vona að þið njótið vel. 

xxx

Eva Laufey Kjaran

Skemmtilegir tímar

Þess vika hefur verið ansi viðburðarrík. Ég skilaði af mér myndum fyrir bókina, svo nú er lítið eftir og það styttist óðum í að bókin komi út. Mikið hlakka ég til að sýna ykkur hana loksins. Svo tók ég upp matarinnslag fyrir Síðdegisútvarpið, ég hef verið á mánudögum undanfarnar vikur með eina uppskrift sem ég deili með hlustendum. Þið getið hlustað á upptökurnar hér. Í gær var mjög skemmtilegur dagur, ég stökk á fætur klukkan sex með fiðring í maganum. Við tókum upp fyrsta þáttinn "Í eldhúsinu hennar Evu". Ég var svolítið stressuð fyrst um sinn eins og gengur og gerist þegar maður prófar eitthvað nýtt og er óvanur, en stressið var fljótt að hverfa þegar ég fór að dúllast í matnum og vonandi kemur þetta vel út:) 

Ég vona að helgin ykkar fari vel af stað, veðrið er nú ágætt og upplagt að skella sér í göngutúr og baka síðan eitthvað gott með kaffinu. 

Góða helgi kæru vinir. 

xxx

Eva Laufey Kjaran

Rauðrófusafi sem bætir og kætir

 Vertu velkomin mánudagur... vikan lítur vel út og margt skemmtilegt framundan. Mér finnst mánudagar svo fínir, í morgun er  ég búin að skipuleggja vikuna og búa mér til dásamlegan safa.

 Í vikunni skila ég af mér öllum myndum fyrir bókina og fyrsti þátturinn "Í eldhúsinu hennar Evu" verður tekinn upp. Ég er með mörg fiðrildi í maganum, þetta verður skemmtileg vika með fjölbreyttum verkefnum. 

Ég átti nú svolítið erfitt með að vakna í morgun, svona eins og gengur og gerist á mánudögum eftir helgina. Ég byrjaði daginn á því að búa mér til safa, sem er svo góður og hressandi. Ég á ekki safapressu og nota bara blandarann minn, það virkar vel. Hér kemur uppskriftin, ég mæli svo sannarlega með að þið prófið. 

Rauðrófusafi 

600 ml ískalt vatn 

3 meðalstórar gulrætur

2 litlar rauðrófur 

5 cm engiferrót

1 sítróna

1 appelsína

smávegis af grænkáli 

Aðferð:

Flysjið og skerið grænmetið fremur smátt. Setjið vatn í blandarann og bætið hráefninu saman við, einu í einu. Í þeirri röð sem sést hér að ofan. Blandið í nokkrar mínútur, það er gott ráð að halda aðeins við lokið á blandaranum því þetta er mikið magn og það væri verra ef rauðrófusafinn myndi skvettast upp um alla veggi. ;-) 

Hér er safinn tilbúinn, sjáið hvað liturinn er ótrúlega fallegur. 

Ég læt safann minn alltaf í gegnum gróft sigti, þess þarf auðvitað ekki en mér finnst það betra. 

 Fallegur, bragðgóður og einfaldur safi sem bætir og kætir. 

 Ég vona að þið eigið góðan mánudag kæru vinir. 

xxx

Eva Laufey Kjaran 

Súkkulaðidraumur

Á sunnudögum finnst mér svo notalegt að baka köku og dúllast hér heima við. Í dag er þannig dagur, reyndar ætla ég að baka nokkrar kökur þar sem ég er að klára að taka myndir fyrir kökukaflann í bókinni minni. Það verður kökufjör á þessu heimili í dag og mér leiðist það nú ekki.  Mig langar að deila með ykkur uppskrift að súkkulaðiköku sem ég geri voðalega oft, hún er ótrúlega einföld og góð. Ég mæli með að þið prófið hana í dag kæru vinir. 



Súkkulaðidraumur

140 g smjör, mjúkt

100 g flórsykur 

3 egg 

170 g súkkulaði, brætt

2 msk. hveiti 
1 tsk. vanillusykur
2 msk. kakó

flórsykur
fersk ber 

Aðferð:

Hitið ofninn í 180°C.  Hrærið saman smjör og flórsykur þar til blandan verður létt og ljós. Bætið eggjum út í, einu í einu. Hellið brædd súkkulaðinu saman við og hrærið vel í. Í lokin fer hveitið, vanillusykur og kakóið saman við. Hellið blöndunni í smjörpappírsklætt smelluform(24cm) og bakið í 25 - 30 mínútur.  

Sáldrið smávegis af flórsykri yfir kökuna áður en þið berið hana fram. 
Kakan er dásamleg með ferskum berjum og rjóma. 

Njótið vel. 

xxx

Eva Laufey Kjaran

Lífið Instagramað

Já, það er sko komið haust og kuldinn svo sannarlega farinn að segja til sín. Ég er kuldaskræfa og kann lítið að meta kulda, þó það sé vissulega kósí að vera inni á kvöldin með kveikt á kertaljósum þá er minna kósí að hlaupa út í bíl á morgnana. Ó jæja, ég ætla nú ekki að röfla um veðrið við ykkur. Dagurinn í dag hefur verið frekar skemmtilegur, fór á þrjá fundi sem voru allir voðalega góðir. Bókin farin að taka á sig skemmtilega mynd, mikið hlakka ég til að þess að sýna ykkur bókina loksins!. Tökur hefjast fljótlega á þáttunum og snillingurinn hún Andrea sem er að  hanna nýtt útlit fyrir bloggið er komin á gott skrið. Ég endaði daginn í Reykjavík á því að fara út að borða með vinkonu minni henni Guðrúnu Selmu sem er að flytja til Kaupmannahafnar í vikunni. Mikið sem það var ljúft og ég á nú eftir að sakna hennar heil ósköp. Mánudagar geta svo sannarlega verið skemmtilegir ef við bara gerum þá skemmtilega, við gleymum bara þessum kulda. 

Hér eru nokkrar myndir af Instagram, þar er ég voða dugleg að setja inn myndir og ykkur er velkomið að fylgjast með mér þar. Þið finnið mig undir evalaufeykjaran.

1. Það er sko enn sumar í Washington, ég og Vilhjálmur fórum á Kajak í góða veðrinu. 

2. Keypti mér  fallegan kjól í Ellu. 

3.  Þegar mamma er heima þá er veisla á hverju kvöldi. Namminamm 

4. Búið að sjæna fyrir myndatöku, Tara frænka mín er snilli. 

5. Ég var að vinna í forrétta kaflanum í bókinni minni í síðustu viku. 

6. Forsíða Lífsins, hressandi rjómabollumynd. haha.

7. Ný bók, gott rauðvín og súkkulaði. Svona sigrar maður leiðinlega veðrið. 

8. Ég naut mín í Boston um helgina með yndislegri vinkonu.

9. Allt að gerast. Það er ekki langt í bókina mína, Matargleði Evu.... 

Ég vona að þið eigið góða viku framundan kæru vinir, ég verð að koma mér í háttinn. Flug eldsnemma í morgunsárið. Góða nótt. 

xxx

Eva Laufey Kjaran