Föstudagsblóm og Baggalútur á Akranesi.

Þennan fallega jólalega blómvönd fékk ég í gærkvöldi. Ég fékk til mín góða gesti í mat, bauð þeim upp á kjötsúpu og súkkulaðimús í dessert. Röltum svo yfir í Bíóhöllina á jólatónleika með Baggalút. 

Mikil ósköp var gaman!  Þeir voru algjörlega frábærir. Ég hlakka tl að fara á tónleika með þeim aftur. 

Sumsé, virkilega huggulegt kvöld með góðu fólki. 

Nú er helgin að ganga í garð, ég fór í síðasta tíma annarinnar í morgun og prófin byrja á mánudaginn.

Nú ætla ég að fá mér meira kaffi og halda áfram að læra. 

Ég vona að þið eigið ljúfan föstudag kæru vinir.

xxx

Eva Laufey Kjaran

Summertime

 Góð helgi að baki í sveitinni. Fórum í útskriftarveislu hjá frænda hans Hadda, hittum gott fólk, borðuðum góðan mat og drukkum vín. Det var så dejlig! Það er líka svo gaman að keyra um landið okkar, ég og Haddi höfum ákveðið að vera dugleg við að ferðast innanlands í sumar. Það er svo mikið fallegt að sjá og skoða. 

Það væri virkilega skemmtilegt ef ég gæti platað ykkur lesendur góðir ef þið hafið tíma til,  að deila með mér frá áhugaverðum og fallegum stöðum sem þið hafið heimsótt.

 Með hvaða stöðum mælið þið þegar túristarnir á Skaganum ætla að ferðast um landið? ;-)

 Fallegi blái hringurinn minn og jakkinn sem ég fékk frá Mareni minni 

Elsku maðurinn minn, svo sætur. 

Ég vona að þið hafið átt ljómandi góða helgi. 

xxx

Eva Laufey Kjaran

Apríl!

Ég vaknaði í morgun við fuglasöng og sólargeisla. Hjartað mitt fylltist af gleði, ég stökk upp úr rúminu, kveikti á kaffikönnunni og út á pall. Vissulega var hitastigið ekkert ótrúlega hátt en ég náði mér bara í peysu. Settist út með kaffi, safa og matreiðslublöð í leit að innblástri. Það var ansi notaleg byrjun á deginun.

Í vikunni þá ætla ég að elda, baka, njóta, hlaupa, læra og hafa það huggulegt. Páskafrí að skella á og famelían heima við. 

Einnig verður gjafaleikur á blogginu svo ég hvet ykkur til að fylgjast með. 

Ég vona að þið eigið ljúfan mánudag. 

xxx

Eva Laufey Kjaran

Marsmánuður

Kaffið dásamlega gerir daginn alltaf betri.

Ég varð hálf fúl út í veðrið í gær, ég var búin að bjóða vorið velkomið og þá fór að snjóa.

Þetta veðurfar, þetta veðurfar.

En nú er Mars kominn og mikið sem ég er ánægð með það. Nú er ekki svo langt í sumarið ljúfa sem ég held að við séum farin að þrá. 

Og þó, ég held ég eigi nú eftir að sakna þess að bölva veðrinu í morgunsárið.

Ég vona að þið eigið ljúfan dag og ég vona líka að þetta sé síðasti snjódagurinn okkar.

Á næstu dögum ætla ég að vera með smá leik hér á blogginu svo endilega fylgist með.

xxx

Eva Laufey Kjaran sem þráir sól

Vökusigur 2012

Það var mögnuð stund þegar að úrslit voru tilkynnt fyrr í kvöld, við í Vöku höfðum tryggt okkur meirihluta í Stúdentaráði við Háskóla Íslands.

Ég er ótrúlega spennt fyrir því að takast á við fjölbreytt og krefjandi verkefni sem að bíða okkar í stúdentaráði.

 Ég hlakka til að vinna með þessu stórkostlega fólki sem ég hef kynnst undanfarnar vikur. 

Vökuliðar eiga mikið lof og hrós skilið fyrir mikinn dugnað. 

Til hamingju Vaka og þúsund þakkir fyrir stuðninginn 

xxx

Eva Laufey Kjaran

Janúar og hafragrautur.

Dagarnir líða ansi fljótt. Ég fer út snemma á morgnana og kem heim seint á kvöldin.

Í síðustu viku ákvað ég að slá til og taka þátt af fullum krafti í hagsmunabaráttu stúdenta við Háskóla Íslands. Ég skipa þriðja sæti á lista Vöku til stúdentaráðs og það eru kosningar framundan.

Á nokkrum dögum er ég búin að kynnast frábæru fólki og kynna mér það góða starf sem að stúdentaráð við Háskólann stendur fyrir. Nauðsyn fyrir alla sem að stunda nám við skólann að kynna sér málefnin og hafa í huga hvað það eru miklir hagsmunir í húfi sem þarf að standa vörð um.

Janúar er aldeilis ekki minn uppáhalds mánuður svo það er agalega fínt að það sé nóg að gera.

Áramótaheitið er að ganga prýðilega. Að borða oftar morgunmat, það er svo mikill munur á því að fara södd og sæl út í daginn heldur en tóm eða bara með kaffi í maganum.

Hafragrautur er mitt uppáhald með kanil og bláberjum.

Ég vona að þið hafið það gott.

xxx

Eva Laufey Kjaran

Jólabakstur og lestrarstuð.

Ferskleiki í prófum

...Nú eru þau bara þrjú eftir blessuð prófin, tvö búin. Það er bara ekkert svo agalega mikið eftir. Dagarnir fljúga áfram, ég var að koma heim úr skólanum núna þannig nú er það smá meiri lestur og svo bólið. 

Ég hlakka svo ósköp ósköp mikið til að hefja almennilegan jólabakstur, baksturinn hefst þann 14.des kl. 16.30, að vísu um sexleytið vegna þess að ég þarf nú að komast frá Reykjavík upp á Skaga til að byrja með. En ég er búin að skrifa pínu lista yfir það sem mig langar að baka, ó ó ó hvað það verður ljúft.  Ætla að vísu að baka smá á föstudaginn kemur, nauðsyn að æfa sig áður en alvöru baksturinn hefst.

 Ó sei sei, ég er nú hrædd um það. 

xxx

Eva Laufey Kjaran

Að drífa sig að verða stór

... Í augnablikinu líður mér svakalega vel. Ég er sérdeilis skemmtilegu starfi og ég hef ansi góða tilfinningu fyrir sumrinu. Vinnudagarnir eru ekki margir í þessum mánuði og ég hef ansi mikinn tíma fyrir dútl. Mér finnst líka ekkert eins yndislegra en að baka/elda eitthvað gott og bjóða fólki í kaffi eða mat til mín. Sumarið er tíminn! Mætti þó aaaaalveg koma sól, en það fer eitthvað að gerast. Ég finn það á mér.

Ég hef oft fengið hálfgerða panikk tilfinningu. Ég byrjaði í laganámi en var alls ekki að finna mig sem skyldi og er því búin að skipta um námsleið. Er mjög spennt fyrir haustinu og er ansi sátt við ákvörðuna mína. Það erfiðasta er sætta sig við sjálfan sig þ.e.a.s ég er svo þrjósk og var búin að ákveða eitt, þá er svo erfitt að breyta. Ég átti ansi erfitt með að díla við mig sjálfa, undarlegt en satt þá er maður oft sjálfum sér verstur. Endalausar pælingar og áhyggjur.

En ég tók ákvörðun - mér líður vel með hana og auðvitað verður maður að fylgja hjartanu.

Svo hef ég eytt góðum tíma í því að hafa áhyggjur af því að vera ekki orðin sprenglærð, komin með góða vinnu einn tveir og bingó!

Ég er 22 ára gömul, ok. Ég verð ekki orðin sprenglærð þegar að ég verð 25 ára. En þegar að ég lít tilbaka þá sé ekki eftir því að hafa farið út í enskunám - fátt sem hefur gert mér eins gott. Að stíga út fyrir þægindaramman. Upplifa lífið á nýjan hátt og ögra sjálfum sér í leiðinni. Afþví stundum þá áttar maður sig ekki á því hvað það er nú fjári gott að vera heima við.

.. og núna er ég orðin flugfreyja og mér líkar það. Þannig ég er bara sátt og sæl með þær ákvarðanir sem að ég hef tekið hingað til - ég er spennt fyrir nýjum verkefnum og hlakka til þess að takast á við þau í haust og í framtíðinni.

En ég vil njóta njóta njóta.. það er svo mikið kapphlaup oft við tímann að maður gleymir að njóta augnabliksins. Þannig markmiðið er að njóta þess að vera til.

Árgangur 2011 - flugfreyjur/þjónar Icelandair. Útskrift :o)