Andlitsmaski

Ég er með þurra húð og ég finn það svo sannarlega þegar það kólnar að húðin verður sérstaklega þurr. Ég reyni því að vera dugleg að bera á mig andlitsmaska og rakakrem. 

Ég keypti mér andlitsmaska frá Académíe fyrir nokkrum vikum. Aprikósu maski sem er að mínu mati ansi góður og mæli ég með honum. Hann er á mjög fínu verði og dugir ansi lengi. 

Maskinn er í fljótandi formi og lyktin af honum er ansi góð, ég spái mikið í lyktinni þegar að ég kaupi mér snyrtivörur. Það eina sem maður þarf að gera er að bera maskann á andlitið, bíða með hann á andlitinu í 20 - 30 mínútur, þá er hann orðinn ágætlega harður. Þegar maskinn er þveginn skal varast að nota of heitt vatn, bara volgt vatn því heita vatnið þurrkar upp húðina og þá er maskaaðferðin farin í vaskinn. 

 Ég keypti aprikósu maskann á snyrtistofunni Dekur á Akranesi. 

xxx

Eva Laufey Kjaran

Að skottast af stað...

Eftir sumarhuggulegheitin þá getur verið erfitt að koma sér í rútínu. Við bíðum eftir því að komast í sumarfrí.. svo bíðum við eftir því að komast í rútínu.
Við erum nú svolítið fyndin, við erum alltaf að bíða.

Að mínu mati er best að setja sér markmið fyrir hverja viku, ég skrifa markmiðin mín niður í dagbókina mína.Það er mikilvægt að setja sér raunsæ markmið, byrja rólega og auka svo við sig. Það er svo sannarlega erfitt að byrja og það er ekkert sérlega skemmtilegt að koma sér í form, nú tala ég bara fyrir mig sjálfa.

Það er svo dásamleg tilfinning að fara úr erfiðum 3 km í góða 10 km. Svo erfiðin eru þess virði, það er fyrir öllu að líða vel í líkama og sál.

Líkamsrækt er mér mikilvæg, fyrir bæði líkamann minn og sálina mína. Hvort sem að það er göngutúr, hjólatúr, hlaupaferð eða t.d. spinningtími.

Stundum getur verið hreint ómögulegt að gíra sig í gang og það er hægt að finna svo margt annað til þess að gera en að fara bara út og hlaupa af stað.

Tilfinningin er svo góð þegar að maður skottast af stað með uppáhalds tónlistina í eyrunum. Allt annað þurrkast út og í augnablik eru það bara þú og tónlistin...Ég verð að hlusta á tónlist þegar ég hreyfi mig, það má með sanni segja að lögin koma manni nú oft í gegnum erfið hlaup.

Hér eru fimm lög sem ég hlusta gjarnan á þegar ég fer út að hlaupa.

1. Safri duo - The Bongo song
2. Rihanna - We found love
3. Darude - Sandstorm
4. Jock James - Are you ready for this
5. PSY - Gangman style 

Svo hlusta ég auðvitað á júróvísion smelli og þá verða hlaupin miklu skemmtilegri. Ég er vissulega með gott eyra fyrir góðri tónlist eins og þið sjáið, verst að vinir mínir leyfa mér ekki að stjórna músíkinni í teitum. Ég skil auðvitað ekkert í þeim.

Sá græni og góði...Þessi safi er alltaf góður og svo ótrúlega einfaldur. Stútfullur af góðum vítamínum. 

Spínat, appelsínutrópí, hörfræ, mangó, banani og nokkur bláber. 

Virkilega gott!

xxx

Eva Laufey Kjaran

Vellíðan.

Kannist þið ekki við tilfinninguna þegar að þið hafið ekki komist út til þess að hreyfa ykkur hvað allt getur verið ómögulegt? Þannig er mér búið að líða undanfarna daga. Þreyta, leti og ómögulegheit. Mikil ósköp, ég veit ég hef sagt það ansi oft en ótrúlegt hvað hreyfing gerir gott fyrir sálina. Líka mjög fínt að vera þreytt fyrir miðnætti í stað þess að næturhrafnast fram eftir öllu og detta úr rútínu. 

En í kvöld fór ég loksins í zúmba. Hálsinn orðinn fínn og þá er allt einsog það á að vera. 

Hreyfing getur öllu breytt. Sagði mér líka ein sniðug kona að besta ráðið við fýlu og pirring er að fara út í göngutúr, ómögulegt að vera í fýlu í göngutúr í fallegu veðri. Tala nú ekki um ef maður nær göngutúr með góðri vinkonu. Það er gott ráð við ómöguleika - að reima skóna og skunda út. Það geri ég iðulega, sérlega þegar að ég er komin í strand við lærdóminn. Þá er ekkert betra en að henda heilanum í göngutúr. 

Ég veit hvað myndagæðin eru stórkostleg, ég er svo flink á kameruna eða hitt og heldur. En norðurljósin eru loksins komin og þau eru svo ótrúlega falleg. Love it!

xxx

 Það er rosa gott að drekka nokkra svona kokteila eftir góða kokteiladrykkju um helgina. Algjör bjargvættur fyrir þá ryðguðu :-)

Helgin er búin að vera ótrúlega skemmtileg. Jiminn hvað ég er heppin að eiga svona yndislega vini, maður segir það víst aldrei of oft. Þau eru það skemmtilegasta sem ég á. Það var mikið hlegið og mikið gaman um helgina.

Svo er  veðrið búið að vera það dásamlegasta um helgina og hvað er þá annað hægt að gera en að smæla? Ég bara spyr. 

xxx 

...Dagkrem. Það er möst að eiga gott dagkrem að mínu mati - ég prufaði eyGLÓ frá Sóley um daginn og er ég afskaplega ánægð. Gaman að nota íslenskar vörur, kremið gefur minni húð mjög fínan raka og ég er með þurra húð. Kostar 4000 kr. í flugvélinni sem er alls ekkert hræðilegt miðað við hvað kremið er gott. :)

Kremið er 100% náttúrulegt, umhverfisvænt og án allra óæskilegra aukaefna


xxx

Breytt hugarfar er það sem dugir.

Ég er í hlaup-átaki.  Mig langar agalega til þess að hlaupa mér til skemmtunar, jafnvel ef vel gengur að taka þátt í maraþoni einn góðan veðurdag. Þannig ég er að safna kílómetrum á hverjum degi, þegar að ég segi hverjum degi þá meina ég á hverjum degi frá því á mánudaginn. Þannig ég er nýbyrjuð í þessu átaki.

Það er svo gott að hlaupa - með góða músík er allt hægt.

Að vísu kann ég betur að meta hlaupin þegar að þau eru búin, ekki aaalveg á meðan á þeim stendur. Stundum er ég löt - stundum ekki. En allt er gott eftir á :o)

Ég var að grúska í gömlum myndum og fann þá mynd af mér síðan 2009. Ég er kjáni og bar saman mynd frá því þá og nú. Ég ákvað að deila þeim myndum með ykkur. 

Á þessum tveimur árum frá því að vera í engu formi og í það að komast í ágætt form, þá munar það svo sérdeilis miklu fyrir andlega vellíðan. Þetta er klisja, en þetta spilar svo ótrúlega mikið saman. Ef manni líður ekki vel í eigin skinni þá líður manni ekki vel.

Ég er ekki að segja að maður þurfi að vera ótrúlega mjór til þess að líða vel, það er ekki mín hugmynd um vellíðan heldur að vera í góðu formi líkamlega til þess að andlega hliðin fúnkeri vel.

Ég hef prufað misjafnar aðferðir til þess að komast í form. Hef prufað marga skyndikúra en þeir virka svo sannarlega ekki til lengri tíma litið.

Hugarfarið er það eina sem að kemur manni þangað sem maður vill. Það stjórnar öllu, það þýðir ekkert að hætta að borða nammi, brauð, hveiti o.s.frv. því einn daginn þá áttu eftir að detta í það.

Í stað þess að borða bara það sem að þú vilt, allt er náttúrlega gott í hófi og hreyfa sig reglulega. Fjölbreytt matarræði skiptir miklu máli.

Ef maður fer  t.d. á hverjum degi í bakarí og kaupir sér snúð þá verður ekki eins gaman að fara í bakarí og kaupa sér snúð. (Hljómar undarlega en ég vona að þið skiljið mig.)

Ég veit að ég var ekkert skelfileg árið 2009 og þetta var ekkert stórmál. En fyrir andlegu hliðina á mér var þetta stórmál, skyndikúrar gerðu illt verr.

 Sjálfsöryggið tapast og óánægja með sjálfan sig er ósköp erfitt að takast á við.

Breytt hugarfar er það sem dugir.

Ég er sátt og sæl með mig í dag.  Ég borða það sem ég vil og ég hreyfi mig daglega, mér líður vel í eigin skinni.

Það er það mikilvægasta - því ef við fúnkerum ekki sem skyldi þá fúnkerar lítið í kringum okkur.

xxx

Eva Laufey Kjaran

Heimalagaður andlitsmaski sem kostar eina tölu.

Ég prufaði þessa uppskrift og mér finnst maskinn virka vel á mína húð, ég á líka voða fínan andlitsmaska sem kostaði grilljón og hann er alls ekkert betri. Þannig maður getur verið voða fínn með því sem maður á í ísskápnum. :o)

Ég þarf meiri raka í mína húð og því fann ég uppskrift sem að passar fyrir það.

Semsé..

- 1/2 Avókadó

- 2 Matskeiðar af hunangi

- Haframjöl, ég setti ca. eina lúku

Þessu blandað vel saman. Voila!

Þetta er snilld, því þetta tekur í burtu dauðar húðfrumur og gefur húðinni aukin raka.

Áður en að maskinn er settur á þá er gott að skola andlitið í volgu vatni og svo er maskinn látinn standa á í 10 mín. og þá er maskinn skolaður af uppúr volgu vatni.

Einfaldara og ódýrara verður það ekki

Andlitsmaskar

  Ég fann skemmtilega síðu með ýmsum uppskriftum fyrir húðina. hér koma nokkrar sem ég ætla að prufa. Náttúrlega snilld að bjóða vinkonum heim til sín og dúllerast í þessu, jafnvel svo gott að maður láti Elvis á fóninn á meðan. :)

Ódýrar lausnir og góðar lausnir. 

Hér kemur uppskrift af einum maska fyrir feita húð:
- 1x eggjahvíta - pískra þar til hún verður stíf
- 5-10 dropar af ferskri sítrónu

Blanda þessu vel saman - koma sér vel fyrir og smyrja vel á andlitið og láta liggja í korter. Til þess að sjá góðan árangur er gott að brúka maskann 2-3 í viku.

Maski fyrir húð með mikið af bólum:

- Eitt egg
- Tvær matskeiðar af hreinu jógúrti
- Smá mjólk

Þessu eru blandað saman þar til þetta verður orðið að sæmilegu gúmmilaði. Smyrjuð maskanum vel á andlit og hálsinn og látið liggja á í 20 mín, skolað vel af.

Maski til þess að fá mjúka húð:

- Eitt þroskað avokado
- Ein matskeið af hunangi
- Ef þú vilt hafa þetta enn betra þá er gott að setja eins og tvær matskeiðar af hreinu jógúrti.

Hafðu þetta á í korter og skolaðu síðan af.

Skrúbb fyrir líkamann:

- Eitt glas af sjávarsalti
- Dass af Olive Olíu
- Dass af t.d. lavender olíueða jasmín - til þess að fá góða lykt. Má sleppa.

Notið skrúbbin í sturtunni og skolið vel af :)

Súkkulaðimaskinn:

- Þrjár matskeiðar af kakó-dufti
- Tvær matskeiðar af hreinu jógúrti
- Tvær matskeiðar af hunangi
- Ein matskeið af höfrum

Allt þetta er blandað saman þar til þetta verður að þykkum maska. Látið þetta á bæði andlit og háls og látið standa í 20 mín, þvoið síðan vel af með heitu vatni.

Eitt í lokin fyrir hárið:

- Látið Olive olíu í þurrt hárið t.d. áður en þið ætlið í sturtu. Smyrjið vel af olíunni í hárið, hárið á alveg að vera semí blautt. Látið standa í allavegana klukkutíma, farið svo í sturtuna og þvoið af með ykkar sjampói:)

Ódýrar og einfaldar lausnir.... sakar ekki að prufa :-)

Að slá um sig...

.. Lúxusvarningur.

Ég reyni að vera sparsöm, eða þið vitið. Ég kaupi mér ekki allt sem að mig langar í - en vitaskuld leyfi ég mér stundum pínu lúxus..

Það sem ég kalla lúxus er það sem ég kaupi mjög sjaldan og held mest upp á.

Góð sjampó, baðsölt, fínar handsápur, góð krem, skrúbb osfv.

Lúxus: Fara í heitt bubblubað með söltum og olíum. (Auðvitað með andlitsmaska) og sherríglas. (djók) Hljómar bara vel.

Eftir bað: Trilljón krem, góð lykt af hári og silkimjúkt eftir lúxusshampóin.

Rúsínan í pylsuendanum - fara í bestu náttfötin sín og upp í rúm, (í nýjum rúmfötum, sem hafa fengið að hanga úti og eru með svona góða hreina lykt)

Svo skemmir það ekki að hafa verið búin að kveikja upp í nokkrum vanillu kertum svo herbergið ilmi vel.

Þar hafið þið það!

Góða helgi! Ég er farin að horfa á uppáhaldið mitt, Eurovision!