B-in þrjú og Eva

Matarboð með góðum vinum er eitt af því yndislegasta sem ég veit um.

 Í gærkvöldi bauð ég bestu vinum mínum í mat. Við hittumst sjaldan öll saman og þegar að það gerist þá er ansi gaman hjá okkur. Við höfum verið góðir vinir frá því að við vorum lítil, og þó höfum líka verið óvinir í gamla daga og það sanna dagbækur Dísu. En þó svo að við hittumst sjaldan þá erum við alltaf jafn góðir vinir, þannig er besti vinskapurinn. Mér þykir svakalega vænt um þau.

Búið að dekka borðið og fínar rósir fá að njóta sín

Eyjan komin í betri skó, gestirnir alveg að fara að koma.

Hvítlauksbrauðin að búa sig undir ferð í ofninn..

Maturinn kominn úr ofninum, lasagne.

Frönsk súkkulaðikaka í eftirrétt með berjum og rjóma..

Kátir vinir

xxx

Kósíheit á miðvikudegi

Hundleiðinlegt veður úti, kalt, rigning og rok. Frá því að ég vaknaði þá hefur mig langað að skríða upp í sófa og það var það nákvæmlega sem ég gerði eftir að ég kom heim úr skólanum. Inn í sólstofu, að dúlla mér við að lesa matreiðslublöð við kertaljós. Ooog með gott kaffi auðvitað! Fæ til mín góða gesti í mat annað kvöld og er því að vinna í því að ákveða hvað ég ætla að gefa þeim að borða. Huggulegheit svona áður en lærdómurinn hefst þetta kvöldið. Mæli með því að þið hoppið aðeins upp í sófa, kveikið á kerti og lesið bók/blöð eða bara eitthvað sem ykkur langar og hlustið á veðrið.. ég er að segja ykkur að það er fátt jafn kósí. Ég ætla allavega að sitja hér pínu lengur og njóta...

xxx

Fiskibollur og AB mjólk

Fiskibollur. Mér finnst þær ansi góðar, að vísu gerir enginn betri bollur en amma Stína .Mmm, þær eru dásamlegar. 

Í kvöld var fiskibollukvöld. Haddinn minn borðar þær og það gleður mig mjög svo mikið þegar að hann borðar matinn minn. Pínu matvandur greyið. Erfitt fyrir sælkerann að skilja fólk sem er matvont, en en það gleður mig þegar að hann borðar það sem ég býð upp á. :o) En ég hafði nóg af fersku grænmeti með til þess að fá smá orku í líkamann, finn á mér eins og undarleg pest sé að læðast að mér og þá er ekkert annað í stöðunni en að byrgja sig upp af grænmeti og vítamínum. Ég prufaði smá twist í kvöld. 

Skar niður  brokkólí, agúrku og epli. Blandaði því saman í skál og hellti létt AB mjólk yfir, eitt hvítlauksrif, salt og pipar. 

Fínasta salat/dressing. Ég hef gaman að því að prufa mig áfram með AB mjólk. Holl og góð, passar við hvað sem er. Gefur matnum ferskleika! 

Lærdómur og hlaup í kvöld, of fallegt veður. Ekkert betra fyrir líkama og sál en útihlaup í fallegu veðri. 

xxx

Rjómaostasúkkulaðibitaoreo smákökur

Á laugardögum þá elska ég að dúlla mér aðeins í eldhúsinu. Í raun elska ég að dúlla mér í eldhúsinu alla daga , en sérlega á laugardögum. Þá hef ég meiri tíma og þá baka ég oftast eitthvað sem ég er búin að þrá alla vikuna að smakka.. Ég elska Oreo kex, ég elska smákökur og ég elska að hafa rjómaost í smákökur svo ég bakaði rjómaostasúkkulaðioreo smákökur. 

Uppskrift:

110 g smjör, við stofuhita 

100 g rjómaostur (Philadelphia) 

225 g sykur

180 g hveiti

100 g súkkulaðidropar

1 tsk. vanilla extract eða vanillusykur

1 pakki Oreo kex

Smjör og rjómaostur blandað saman þar til að það er orðið vel fluffy, tekur um 8 mín.
Sykrinum er síðan blandað saman við í 3 mín og því næst hveitið og vanilludropar. 

Þessu blandað vel saman í nokkrar mín. 

Síðan blandar maður súkkulaðidropunum saman við varlega með sleif. 

Ég kramdi oreo-kexin og setti þau í sér skál. Lagaði fínar kúlur og rúllaði kúlunum uppúr kexinu. 

Inn í ofn við 190°C í 15 mín. (Ég bræddi hvítt súkkulaði og lét smá ofan á) 

Njótið

Haustið er svo sannarlega komið og kuldinn fylgir líka með. Haustið ber með sér mikla fegurð, litirnir í kringum okkur eru stórkostlegir. Ég ætla að taka myndir um helgina af fallega Skaganum í haustlitum.. 

Mikið um lærdóm. Próf á mánudaginn og hnúturinn í maganum vex, en en en. Ég skil meira í dag heldur en í gær svo vonandi kemur þetta hægt og bítandi. Dagarnir eru langir og mikill lærdómur. En tíminn er fljótur að líða og áður en ég veit af verð ég komin í jólakjólinn.

En þegar að dagarnir eru langir og strangir þá er nauðsyn að brjóta þá svolítið upp, í gærkvöldi fór ég með yndislegri vinkonu á sushitrain og áttum við góða stund saman. Gott spjall og gott sushi, ég segi það og skrifa það er dásemd. Í kvöld náði ég svo smá deiti með manni mínum, það var kósí og nauðsyn að eiga eitt deit í viku. Ljúft og gott! 

Föstudagur á morgun, það er alltaf föstudagur. Tíminn flýgur - var ég búin að minnast á það? 

xxx

Ég dreymi um yndislega daginn sem ég og Haddi áttum í Versölum í sumar.

Súkkulaðiappelsínuostasmákökur með hvítu súkkulaði

 Ég trúi ekki á "one moment one the lips forever on your hips".

 Því maður getur vel tekið sér göngutúr eftir góðar kökur og maður man alltaf eftir góða bragðinu ef vel tekst. Því er nauðsyn fyrir allar sálir að sykra sig upp af og til.

 Í kvöld ákvað ég að prufa smákökur sem ég hef verið að hugsa um frá því að ég sá uppskrift af þeim, þær lukkuðust býsna vel og mæli ég hiklaust með því að þið spreytið ykkur.

 Ég elska að mynda matinn minn, ferlið frá smjörbitanum yfir í fallegar kökur er svo fallegt.

Uppskrift:

110 gr. Smjör (mjúkt)

100 gr. Rjómaostur (ég notaði philadelphia)

225 gr. Sykur

1tsk. Vanilludropar eða sykur. 

180 gr. Hveiti

100 gr. Súkkulaðibitar

100 gr. Haframjöl

1 Appelsína

 Byrjum á því að setja smjör og rjómaost í hrærivél þar til það verður orðið fluffy. Tók um það bil 8 mín að vera fluffy hjá mér. 

 Þegar að deigið er orðið fluffy þá er sykrinum bætt saman við, hrært í 3 mín. 

Svona á deigið að líta út þegar að það er tilbúið 

Hveitinu, haframjölinu og vanilludropum bætt saman við og þessu blandað varlega saman. 

Súkkulaðinu bætt saman við.. 

 Og síðast en ekki síst, rifinn börkur af 1 appelsínu. 

Þá er deigið tilbúið 

Inn í ofn við 190°C í 13 - 15 mín. 

Fallegar. 

Ég hitaði smá hvítt súkkulaði og skreytti kökurnar, það er eitthvað við hvítasúkkulaðið sem gerir allt miklu betra. Rjómaostur, appelsínubragð og hvítt súkkulaði. Jummí. 

Ótrúlega gott með ískaldri mjólk. Þessa uppskrift ætla ég svo sannarlega að gera aftur, reglulega einfalt og fljótlegt. Agalega gott xxx

...Huggulegheit við lærdóm. Gott að heyra í vindinum úti en inni er hlýtt og gott, sérlega í sokkunum sem yndislega vinkona mín hún Íris prjónaði handa mér.

xxx

... 

Grænmetis Quiche

 Ég er ansi mikið fyrir Quiche.

Grunndeig fyrir Quiche.

150 g Kalt smjör

250 g Hveiti

1/2 tsk Salt

1 stk Eggjarauða 

4 msk Vatn

Skerið kalt smjörið niður í litla bita og hnoðið það saman við hveitið. Saltið síðan og vinnið deigið vel saman, bætið eggjarauðu og vatni saman við og gætið þess að vinna deigið ekki of mikið. Látið bökunardeig standa í kæli í minnsta kosti 30 mín áður en það er flatt út. Fletjið deigið þunnt út og setjið í form, gatið hér og þar með gaffli. Setjið smjörpappír yfir deigið  í forminu og fyllið upp með hrísgrjónum eða baunum til að botninn formist vel. Bakið botninn við 220°C eða þangað til hann hefur fengið smá lit.

Innihald. (Nú er hægt að leika sér að vild, bara það sem maður vill hverju sinni) 

Ég hafði í minni böku : 

1/2 Askja af sveppum

1. Rauðlaukur

1. Rauð paprika

1/2 Haus Brokkólí 

10 Kirsuberjatómatar

Handfylli af ferskum graslauk

3 stk Egg (2 heil egg og ein eggjahvíta)

100 ml Matreiðslurjómi

Grænmetið steikt á pönnu, ég notaði olíu en þeir sem vilja nota smjör nota smjör. Dreifið grænmetisblöndunni yfir grunndeigið. Pískið eggin með gaffli, setjið rjómann saman við og kryddið með salti og pipar áður en þið hellið yfir bökuna. Ég skar einn tómat og dreifði honum ofan á. Bakið við 190°C í um 25 mín.

Gott að setja rifinn ost yfir að bakstri lokum! 

xxx

 Sunnudagur til sælu í orðsins fyllstu. Dagurinn átti að fara í lærdóm og bara lærdóm, en svo tók sunnudagsdúllerí yfir. Kláraði þó lærdóms skammt helgarinnar þannig samviskan er í góðu. 

Helgin er ansi fljót að líða og á morgun hefst ný vika með nýjum verkefnum. Október gengin í garð og því styttist í próf og verkefnaskil, þessi mánuður verður strembin. Styttist líka í jólin sem er yndislegt. 

Ég elska blóm, mér þykir svo vænt um það þegar að ég fæ blóm. Litlir hlutir skipta miklu máli..

Nú ætla ég að rölta yfir til ömmu í kvöldkaffi.. það jafnast ekkert á við gott kaffi og ömmuspjall.

Vonandi áttuð þig ljúfa helgi. 

xxx

 

Stefán Jóhann Sigurðsson afmælisdrengur

Yndislegi vinur minn hann Stefán Jóhann. Hann er ljúfmenni og frábær söngvari. 

Nú sit ég hér í leti lífsins, ennþá í náttfötum með kaffibolla og skólabækurnar fyrir framan mig og hlusta á lögin hans Stefáns á Youtube. 

Stefán hressir , kætir og bætir. Gott að eiga góðan vin

Enn og aftur, til hamingju með daginn þinn Stefán! 

xxx

Morgunmúffur

 Morgunmúffur. Hafið þið ekki lent í því að koma heim úr skóla eða vinnu og það er bara ekki neitt til í ísskápnum og þið eruð mjög svöng? Nennið alls ekki aftur út til þess að fara í búðina. Ég lenti í því í gær, svanga stóra barnið kom  heim úr skólanum og ekkert til. Þannig ég ákvað að setja í múffu-bollur. Átti lítil til í bollurnar en ég átti þó eitthvað.

125 g. Grófmalað spelt

1 x Þroskaður banani

1 x Bolli speltmúslí með þurrkuðum ávöxtum

1/2 Bolli fimmkorna blanda

1 msk.Hunang

1/4 tsk. matarsódi

1/4 tsk. Salt

1/4 tsk.Lyftiduft

Byrjaði á því að stappa banana vel, bætti síðan speltmjölinu og blandaði þessu vel saman. Bætti alltaf smá vatni saman við, alls ekki mikið vatn þó. 3-4 msk. Bætti síðan öllu hinum saman við og blandaði vel saman. 

Notaði bökunarpappír sem form og mótaði bollurnar líkt og muffins. Ég setti ofan á ca. tsk af fimmkornablöndu á hverja bollu. 

180°C í ca. 20mín

Þetta smakkaðist mjög vel með smjöri og ost. 

Fljótlegt, var enga stund að blanda þessu saman og setja þetta inn í ofn. Lyktin var góð og þetta var miklu betra en einhver bakarísferð.

Ég kalla þær morgunmúffur vegna þess að þær eru einstaklega ljúffengar í morgunsárið og þæginlegar að grípa með á leið í skólann. 

xxx

Vinkonur og súkkulaðihjúpaðir ávextir.

 Endurnærð. Það er fátt skemmtilegra en að hitta vinkonur á góðu kvöldi eða á góðum degi. Dagurinn byrjaði fremur illa, svaf yfir mig og tuðaði út í eitt. En en , borðaði síðan lunch með góðri vinkonu og átti yndislega stund með annarri vinkonu minni í dag.Ooog svo í kvöld hittist kökuklúbburinn, vinkonuhópurinn er semsé orðinn að kökuklúbbi. Hittumst reglulega og borðum saman kökur, spjöllum, hlæjum og höfum gaman. Nauðsyn fyrir sálina, skemmir svo aldeilis ekki fyrir þegar að vinkonur mínar eru búnar að eignast lítil kríli. Lítið kríli á öxl, kaka á disknum og vinkonur að hlæja. Ímyndið ykkur dásemdina!

Nú ætla ég að lesa smá og fara síðan í háttinn - ljúfur dagur að baki. 

 Ég útbjó þetta fyrir kökuklúbbinn, ætluðum að hafa hann örlítið healthy en ég meina smá súkkulaði skaðar ekki neinn. 

Ávextir skornir í bita (melóna, banani, vínber, jarðaber og ananas) Raðað á grillspjót. 

Hvítt og dökkt súkkulaði brætt  ( ekki saman) og svo mjakað vel á ávextina. 

Ferskt og gott.

 

xxx

Skóladagar. Það er svo sannarlega að koma október, tíminn flýgur. Dagarnir eru ansi langir.

 Fer út klukkan sjö á morgnana og er búin í skólanum um fimm - sexleytið. Svo heim, matur, hreyfing og lærdómur. Ef til vill smá tiltekt... en bara smá. 

Próf, verkefnaskil og mikill lestur = Október. Dásemd. 

Ég bakaði mér súkkulaðiköku í kvöld - ég var að pirrast yfir verkefni sem er pínu snúið. En hvað haldið þið? Góð súkkulaðikaka kemur skapinu í lag. 

Nú ætla ég að fá mér kaffibolla, já svona seint. Hér á þessu heimili er nóttin ung. Þarf að sigra þetta verkefni. 

xxx

Grænmetis-lasagne

 Ég er ansi mikið fyrir lasagne, gaman hvað það er hægt að útbúa það á marga vegu. Í kvöld þá lagaði ég mér grænmetis-lasagne í fyrsta sinn. Það lukkaðist vel að mínu mati og gat ég smjattað út í eitt. 

Einfalt, fljótlegt, hollt, gómsætt og ódýrt. Erum við ekki annars öll að leitast eftir því?

 1 Lítill brokkólhaus

1 Kúrbítur

1 Rauðlaukur

1 Sellerístöng

4 Litlar gulrætur

1 Lítil sæt kartafla

1 Rauð paprika

10 Kirsuberjatómatar

4-5 Sveppir

Handfylli af ferskri basilikku

Handfylli af ferskri steinselju

1 Dós saxaðir  tómatar

1/4 Krukka af mildri salsa sósu

5-6 msk. Kotasæla

Allt grænmetið steikt á pönnu í smá stund, bæti síðan saman við á pönnuna söxuðum tómötum og salsasósunni. Setti eitt glas af vatni saman við, pipar og salt er líka nauðsyn. 

Lét þetta malla við vægan hita í um það bil fimm mínútur.

Svo er þessu raðað upp í form - grænmeti - græn lasagneblöð- grænmeti- græn lasagneblöð - grænmeti - nokkrar msk. af kotasælu og fersku kryddjurtirnar- hvít lasagneblöð - grænmeti - nokkrir fetaostbitar ofan á.

40-45 mín við 180°C.

Samfélagsmeinið

Það er ósanngjarnt og ömurlegt að lesa frétt um ellefu ára dreng sem tók sitt eigið líf.

Ellefu ára gamall, allt lífið framundan.

Börn eiga að njóta sín og barndómurinn á að vera besti tíminn. En hvað gerist?

Einelti, það er það sem gerist.

Einelti er það ferlegasta sem ég veit um. Samfélagsmein sem dregur lífskjarkinn úr fólki.

Flestir þurfa að berjast gegn mótlæti í æsku, það veit ég af eigin raun.

Þegar að ég var yngri þá fluttum við erlendis og þá var ansi erfitt að falla inn í hópinn.

Ég man þegar að ég lagðist á koddann fyrstu dagana og hugsaði " Jæja þegar að við flytjum aftur heim þá verður allt orðið gott". Ég beið alltaf eftir lokadögunum því það voru iðulega bestu tímarnir. Ég flutti tvisvar sinnum erlendis, til Noregs. Á tvo staði og því reyndist það þolraun ein, sérlega í annað skiptið.

 Ég þurfti stundum að halda aftur að mér tárum í skólanum. Það er erfitt að vera unglingur og ætla að falla inn í hópinn.

Ég átti t.d. ekki mikið af pæjufötum, var fótboltastelpa af Skaganum en það skildu ekki allir

.

Bekkjasystur mín komu eitt sinn að mér og spurðu hvort ég ætti eiginlega engin föt og af hverju ég væri alltaf í sömu fötunum. Líkast til hefði svarið "mér líður bara vel í þeim" ekki fallið í kramið hjá þeim.

Ég fékk pæjubuxur, mætti í þeim í skólann og fékk glott. Ég labbaði inn í tónmennt og sá krassað á nokkur borð "Eva með gulu tennurnar" " Tannburstaðu þig Eva". Líkast til hefði svarið að tennurnar mínar sködduðust mikið eftir að ég datt eitt sinn í æsku og ég burstaði mig auðvitað á degi hverjum, ekki skipt neinu máli.

Fyrsta froðu-teitið í skólanum. Ég var súper spennt - bekkjarsystur mínar hringdu í mig sama dag þegar að þær voru saman úti a borða og létu mig vita að maður ætti að mæta í sundfötum og með sundhettu. Mér fannst það hálf kjánlegt en ég meina afhverju ætti ég ekki að trúa þeim, ég var ný en þær vanar.

Ég var að æfa fótbolta með eldri stelpunum á þeim tíma og ég mætti á fótboltaæfingu fyrir teitið og spurði afhverju maður ætti að vera í sundfötum o.s.frv. Þær urðu reiðar, tóku mig með sér í skólateitið og húðskömmuðu bekkjarsystur mínar fyrir framan alla. Mér leið vel! Einhver stóð með mér. Þær skömmuðust sín og ég gekk inn með stóru stelpunum, þvílík pæja.

Ég er hálf kjánaleg að skrifa um mína upplifun af einelti. Ég er alls ekki að gera mig að einhverju fórnarlambi og að bera mitt saman við það ömurlega sem börn eru að ganga í gegn um, en eitt veit ég þó að vera einn á móti fjöldanum getur reynst þolraun ein. Ég átti góða að, það eiga ekki allir góða að. Krakkar/unglingar upplifa hundraðfalt verri einelti á degi hverjum, mitt var vægt en alveg nógu mikið til þess að mér leið illa með sjálfa mig og lífið.

Ég viðurkenni það að ég hef sjálf tekið þátt í því að stríða öðrum, skilja útundan o.s.frv. þegar að ég var yngri. Mér líður illa með það í dag, ég vissi betur. Ég vissi alveg hvernig hinum aðilanum leið vegna þess að ég hafði verið í þeirra sporum. En að fylgja straumnum og halda að maður sé betri en einhver er það versta sem við getum gert.

Ég og þú erum alveg eins, ég er ekki betri en þú og þú ert ekki betri en ég. Þess vegna höfum við ekki rétt á því að ganga yfir annað fólk eins og tuskur.

Samfélagið tekur þátt í einelti, t.d. fjölmiðlar. Tökum eina manneskju og úthúðum þar til manneskjan á ekki séns. Hvaða afsökun notum við fyrir því? Jú manneskjan bauð uppá það, alveg eins og ég bauð uppá það að mæta í skólann í ljótum buxum.

Við verðum að passa okkur, nú er ég messa yfir sjálfa mig í leiðinni. Passa okkur á því að við tökum okkur ekki það bessaleyfi að vera betri en einhver annar og halda að það sé í lagi að niðurlægja og hlæja af öðrum. Við þurfum að setja okkur í fótspor annarra, það sem er fyndið fyrir okkur getur reynst ömurlegt fyrir annann.

Pössum upp á hvert annað, þetta er ekki fallegt. Ef fullorðið fólk hugsar ekki sinn gang hvernig eiga þá börnin að læra af þeim eldri. Þessi frétt um þennann unga pilt vakti mig til umhugsunar. Ég ætla að passa betur uppá það hvernig ég kem fram við aðra.

Komdu fram við aðra eins og þú vilt að komið sé fram við þig.

        xxx

Fallegar peysur í H&M

 ...Mig vantar svo hlýja peysu. Eina góða sem hægt er að vippa sér í á köldum vetrardögum, eða haustdögum. Það er nú þegar orðið sérdeilis kalt! Ég ætla að fá mér eina..tvær.. En á erfitt með að velja mér, svo mikið til af fallegum peysum í H&M.