Stóreldhúsið 2011

Ég var svo heppin að vera boðin á Stóreldhúsið 2011 þar sem öll helstu fyrirtæki á stóreldhúsamarkaði voru að sýna og kynna  matvörur, tæki, búnað o.fl. 

Mikil ósköp sem þetta var flott sýning og jeremías eini hvað ég naut mín í botn að smakka ljúffengar kræsingar. Ég tók ansi margar myndir og ætla að deila nokkrum með ykkur. 

Takk kærlega fyrir boðið! Þetta var frábær sýning. 

Þrír ættliðir í eina súpu.

Fjölskyldumaturinn. 

Það er enginn súpa eins og kjötsúpan, hún er í miklu uppáhaldi hjá mér. 

 Ég ólst upp við það að þegar að  kjötsúpa var á  borðstólnum þá var von á öðrum fjölskyldumeðlimum í mat.

 Allir borða á sig gat, sötra á súpunni,  naga beinin, fá sér rúgbrauð með smjöri og drekka ískalda mjólk. Súpan sem sameinar fjölskylduna.

Ég hef gert kjötsúpu nokkrum sinnum en í kvöld þá bauð ég í fyrsta sinn ömmu og mömmu í súpu til mín. 

 Ég verð að taka það sérstaklega fram að ég hafi boðið þeim  vegna þess að þessar konur hafa verið að malla kjötsúpu frá því að þær voru ungar og hafa gert sína súpu nákvæmlega eins alla tíð.

 Mamma lærði af ömmu og ég lærði af mömmu.

 Þrír ættliðir í eina súpu. 

Mér fannst mjög gaman að hringja í þær og bjóða þeim í mat, ég fékk ansi mörg góð ráð.

Dásamlega gott kvöld - þær lofuðu súpuna svo ég stóðst vonandi fjölskylduprófið í kjötsúpugerð. 

Íslenska grænmetið er best. 

Nauðsyn að smakka á meðan að maður dúllar sér við súpugerðina. 

Allt á fullu. 

Amma, ég og mamma. Þrír ættliðir í eina súpu. 

Ó svo góð

xxx

Hádegisdeit með sjálfri mér.

Í hádeginu þá langaði mig í eitthvað fljótlegt og gott. Eitthvað sem gott væri fyrir líkamann.

Ég prófaði því að gera mér eggjaköku með twisti.

2 egg. (1 venjulegt og 1 bara eggjahvíta)

Dass af léttmjólk

Salt&pipar

Þetta pískað saman.

Grænmeti.

Agúrka

Paprika

Kirsuberjatómatar

Rauðlaukur.

Steikt á pönnu í smá stund upp úr olíu kryddað með salti&pipar. Síðan er eggjablöndunni hellt út á og látið malla í nokkrar mínútur þar til óhætt verður að snúa kökunni. Á milli setti ég handfylli af klettasalati og ég átti ekki venjulega ost og setti því 1/2 msk. af léttum rjómaost.

Lét vera á pönnunni í um það bil þrjár mínútur.

Borið fram klettasalati og kirsuberjatómötum.

Bragðmikið og gott.

Bollakökuást.

Maren systir mín verður þrítug á föstudaginn  og var ég búin að segjast ætla að baka eitthvað fyrir veisluna þannig ég "neyddist" til þess að prufa eina uppskrift í dag og mikil ósköp sem er gaman að dunda sér í bakstri. Að vísu gat ég ekki mikið dundað mér því skólabækurnar störðu grimmt á mig á meðan að ég naut mín við skreytingar. 

En hér er pínu prufukeyrsla á vanillubollakökum með hvítusúkkulaðikremi.

 Uppskrift kemur sem allra fyrst.

Kaffikerling

Ég er mikil kaffikerling og finnst fátt um betra en að drekka gott kaffi, sérlega í morgunsárið og í góðum félagsskap. Það gildir það sama um kaffið og matinn - sameiningartákn. Að mínu mati, að hitta góða vini yfir kaffibolla er yndislegt.

Ég fékk svo frábæra sendingu frá mömmu í gær, rauða kaffivél. Kaffivél sem ég get dúllast í, ég drekk bara kaffi hér á heimilinu og því er leiðinlegt að hella upp á heila könnu bara fyrir mig. En núna get ég dúllað mér með einn og einn bolla, ég og nýja vinkonan mín erum að vinna í því að laga hágæða cappucino bolla.. erum nálægt því.

Ó svo mikill rómans hér á Vesturgötunni í morgunsárið. Ég og kaffið, ég og kaffið.

Njótið dagsins xxx

24.10.11

Mánudagur enn á ný. Fallegt veður og góð vika að hefjast, mamman mín kemur heim í vikunni og það verður ó svo gott að komast í mömmuknús. Það jafnast ekkert á við það. 

Ég útbjó í gær mér til gamans like- síðu á facebook fyrir bloggið. Gaman að sjá hverjir fylgjast með blogginu og takk innilega fyrir að nenna að koma hingað og lesa. https://www.facebook.com/pages/evalaufeykjarancom/290343130980942 hér er slóðin ef þið viljið smella einu like eða svo. :) 

 Ég fæ oft svo mörg falleg skilaboð og það er gaman að það séu einhverjir sem hafa gaman af þessu. Allavega finnst mér þetta ótrúlega skemmtilegt. 

Á mánudögum þá þráir líkaminn eitthvað ferskt og gott eftir helgarsukkerí. Mér finnst mjög gott að fá mér hrökkbrauð í hádeginu og eiginlega bara hvenær sem er. 

Létt og gott í maga. 

Hugmynd að hádegismat. 

Hrökkbrauð

Kotasæla

Salsasósa

Salat: 

Rucola

Rauðlaukur

Paprika

Agúrka 

Salt & pipar. 

Þetta er dásemd. Hollt, ferskt og bragðmikið. 

Lövlí. 

Gleðilegan mánudag 

xxx

Kjúklingasataysalat

Ég er svo hrifin af þessu kjúklingasalati, elsku Fríða vinkona bauð mér eitt sinn upp á þetta dýrindis salat og þá var ekki aftur snúið. Ást við fyrsta smakk. 

Einfalt, fljótlegt og bragðmikið.

 1 x Stór spínatpoki í botninn (ég setti líka nokkur rucola blöð sem ég átti inn í ísskáp) 

 Ég notaði þrjár kjúklingabringur, þetta salat sem ég lagaði núna er fyrir ca. 4 - 5 manns.
 Ég steikti bringurnar í nokkrar mín og bætti síðan 4-5 msk af satay sósu.
 Kryddað með salti og pipar vitaskuld. 

 Látið malla á pönnunni í góða stund við vægan hita. 

 Kirsuberjatómatar og avókadó. (Heil askja af tómötum og eitt avókadó)

Kúskús sem ég var búin að krydda með smá salt og pipar og ein tsk. af karrý 

 Semsé, uppröðun. 

Spínat 

Kúskús

Kjúklingur í Satay sósu

Kirsuberjatómatar

Avókadó

Heil krukka af fetaost. 

Mmmm. Ljómandi gott salat! 

xxx

Ég elska kökur og ég elska að baka þær. Þetta er gott ástarsamband. 

Laugardagsnammið, frönsk súkkulaðikaka. Uppskrift er að finna hér til hliðar í "bakstursást". 

Fæ yndislegar vinkonur í mat, vinkonur sem ég hitti alltof sjaldan og því hlakka ég ansi mikið til. 

xxx

Helgin er gengin í garð. Mér finnst alltaf vera föstudagur - vísbending um að tíminn sé ansi fljótur að líða. Tók smá kvíðkast í dag, ekkert agalega mikið eftir af skólanum og það styttist óðum í blessuð prófin. 

Ég er komin í náttfötin mín, reyndar er ég löngu komin í þau.. hér var pöntuð pítsa og haft það kósí fyrir framan sjónvarpið. Huggulegur föstudagur.

 Bakstur, lærdómur, dúlluheit með litlu strákunum mínum, göngutúrar, kaffiboð og matarboð með góðum vinkonum. Svona lítur dagskrá helgarinnar út, lövlí.

Ég hef gert það að vana mínum undanfarið að kaupa rósir á föstudögum, fallegt að eiga fín blóm um helgar. Gefa heimilinu fallegan lit..

Njótið helgarinnar elskur xxx

Fiskrétturinn hennar mömmu

Þennan bragðmikla, litríka og ljúffenga fiskrétt gerði mamma mjög oft þegar ég var yngri. Við systkinin nutum þess virkilega að borða hann og það var hart barist um síðasta bitann. Þetta var vinsæll réttur sem allir kunna að meta. 

Fiskrétturinn hennar mömmu 

• 1 msk ólífuolía 
• 800 g fiskur t.d. ýsa eða þorskur
• 1 grænt epli
• 1 rauðlaukur
• 1 rauð paprika
• 1 græn paprika 
• 4 gulrætur
• 1/2 spergilskálshöfuð
• 150 g rjómaostur
• 1 - 2 msk karríduft
• 100 g rifinn ostur 
• salt og nýmalaður pipa, magn eftir smekk 

Aðferð: Hitið olíu á pönnu við vægan hita, skerið grænmetið smátt og steikið í 2 - 3 mínútur. Bætið rjómaostinum við og kryddið með karrí, salti og pipar. Blandið öllu vel saman og leyfið þessu að malla við vægan hita í fimm mínútur. Skolið ýsubitana vel og raðið þeim í eldfast mót. Hellið grænmetisblöndunni yfir og sáldrið að endingu rifnum osti út á réttinn. Bakið við 190°C í um 25 - 30 mínútur. Berið fiskréttin fram með hrísgrjónum og fersku salati. 

 Grænmetið skorið smátt og steikt á pönnu í smá stund upp úr olíu. 

Einfalt - fljótlegt og ljúffengt! Ég segi það og skrifa. Veisla fyrir bragðlaukana! 

xxx

Eva Laufey Kjaran Hermannsdóttir

Að hlakka til

Í hverri viku þá reyni ég að skipuleggja eitt kvöld með manni mínum til þess að gera eitthvað skemmtilegt. Brjóta aðeins upp hversdagsleikann.. Ég er þannig að ég verð að hlakka til einhvers, annars verð ég ómöguleg.  Að setja upp á sig spari andlitið og gleyma lærdómnum í bili...

Í gær fórum við Haddi ásamt vinafólki okkar út að borða og á tónleika. Yndislegir  styrktar-og minningartónleika sem við fórum á. Hver tónlistarsnillingurinn á fætur öðrum. Algjörlega frábært. 

xxx

Spasslið.. 

 Uppáhaldið mitt þessa dagana. Mythic olía, hentar ótrúlega vel handa þeim sem eru með þurrt hár. Lyktar líka vel sem er plús! Gefur hárinu gott líf...

Nauðsyn. Að smella sér í betri skóna,.

xxx