Ítalskt Caprese salat

Þetta salat inniheldur kannski ekki mörg hráefni en engu að síður er þetta algjör veisla fyrir bragðlaukana. Það er nefnilega þannig að þegar góð hráefni eiga í hlut þá er algjör óþarfi að flækja málin. Einfalt, fljótleg og ómótstæðilega gott.

Caprese salat 

• 1 askja kirsuberjatómatar
• 2 kúlur Mozzarella
• fersk basilíkublöð
• 1 pakki hráskinka eða eins og 6 hráskinkusneiðar
• 1 skammtur basilíkupestó

 

Basilíkupestó

• 1 höfuð fersk basilíka
• handfylli fersk steinselja
• 150 g ristaðar furuhnetur
• 50 g parmesanostur
• 1 hvítlauksrif
• safinn úr ½ sítrónu
• 1 dl góð ólífuolía
• salt og nýmalaður pipar

 

Aðferð:

 

1. Skerið kirsuberjatómata í tvennt og leggið á pappírsklædda ofnplötu. Sáldrið smá ólífuolíu yfir og kryddið þá til með salti og pipar. Bakið við 180°C í 20 mínútur. 
2. Útbúið pestóið á meðan tómatarnir eru í ofninum. Setjið allt í matvinnsluvél eða maukið með töfrasprota, geymið í kæli þar til þið ætlið að bera réttinn fram.
3.  Raðið hráskinku á fallegt fat eða disk, rífið niður Mozzarella og dreifið yfir, raðið tómötum og basilíkublöðum ofan á.
4.  Að lokum setjið þið nokkrar matskeiðar af pestói yfir réttinn og berið einnig pestóið fram með réttinum í sér skál. 

Ekki missa af Matargleði Evu öll fimmtudagskvöld á Stöð 2 ;-)

xxx

Eva Laufey Kjaran Hermannsdóttir

Allt hráefni sem notað er í þessa uppskrift fæst í verslunum Hagkaups.

Snapchat myndir

 Endilega fylgist með ef þið hafið áhuga @evalaufeykjaran

xxx

Eva Laufey Kjaran Hermannsdóttir 

Morgunboozt með hnetusmjöri og döðlum

Helgin flaug áfram hratt og örugglega, ég eyddi helginni á vinnuhelgi í skólanum mínum. Að vísu fór ég líka á haustkynningu Stöðvar 2 á föstudaginn og skemmti mér konunglega með samstarfsfólki mínu, voruð þið búin að kynna ykkur haust dagskrána okkar? Hún er stútfull af frábæru efni, hér getið þið skoðað dagskrána nánar.  Eftir svona helgi þá þarf ég nauðsynlega að byrja daginn á góðum morgunmat og mig langar að deila með ykkur uppskriftinni að morgunbooztnum mínum. Ég fæ mér alltaf 1001 nótt þegar ég fæ mér boozt á Booztbarnum og þetta er mín útgáfa að 1001 nótt. Ljúffengur morgunverður með hnetusmjöri og döðlum... nammigott!

Morgunboozt með hnetusmjöri og döðlum

• 200 g vanilluskyr frá MS
• 1 banani 
• 4 döðlur 
• 1 msk gróft hnetusmjör
• 1/2 msk chiafræ eða önnur fræ t.d. hörfræ
• appelsínusafi, magn eftir smekk
• klakar

Aðferð: Setjið allt í blandarann og blandið þar til drykkurinn verður silkimjúkur. Berið strax fram og njótið!

Ég vona að þið eigið stórgóða viku framundan.

xxx

Eva Laufey Kjaran Hermannsdóttir

Allt hráefnið sem notað er í þessa uppskrift fæst í verslunum Hagkaups. 

Bráðhollt hrökkbrauð með fræjum og sjávarsalti

Ég ætla að byrja með þá hefð að setja inn uppskriftir að morgunmat eða millimáli á mánudögum, flest erum við nefnilega að leita að hollari útgáfum að morgunmat á virkum dögum og því tilvalið að byrja vikuna á hollum og góðum uppskriftum. Að þessu sinni ætla ég að deila með ykkur uppskrift að einföldu og bráðhollu hrökkbrauði sem mér finnst algjört sælgæti. Þið getið notað hvaða fræ sem þið viljið og eigið til heima fyrir, ég nota bara það sem ég á til hverju sinni. Þið sem fylgið mér á Snapchat getið séð hvernig ég útbý uppskriftir en í morgun sýndi ég hvernig þetta hrökkbrauð er búið til, einfalt ekki satt? Ég heiti einfaldlega evalaufeykjaran á Snapchat og ykkur er velkomið að fylgja mér þar. 

Hrökkbrauð með fræjum og sjávarsalti

• 4 dl Kornax rúgmjöl 
• 4 dl haframjöl 
• 1 dl sólblómafræ
• 1 dl graskersfræ
• 1 1/2 dl hörfræ 
• 2 msk hunang 
• 1 dl fljótandi kókosolía 
• 5 - 6 dl vatn 
• Sjávarsalt

Aðferð:

1. Blandið þurrefnum saman í skál. 
2. Því næst bætið þið olíunni og vatninu smám saman. 
3. Blandið verður klístruð en þannig á hún að vera, dreifið blöndunni á pappírsklædda ofnplötu og skerið deigið með t.d. pizzahníf áður en þið setjið það inn í ofn. Sáldrið smá sjávarsalti yfir hrökkbrauðið. 
4. Bakið við 180°C í 30 - 35 mínútur eða þar til hrökkbrauðið verður stökkt.
5. Leyfið hrökkbrauðinu að kólna í svolitla stund áður en þið berið það fram með einhverju góðgæti. 

 Ég vona að þið njótið vel. Mér finnst hrökkbrauð með smjöri og osti langbest. 

xxx

Eva Laufey Kjaran Hermannsdóttir 

Allt hráefni sem notað er í þessa uppskrift fæst í verslunum Hagkaups. 

Ítölsk eggjakaka með klettasalati og nýrfinum Parmesan

Ítölsk eggjakaka með klettasalati og nýrifnum Parmesan 

Bökuð á pönnu sem má fara inn í ofn, stærðin á pönnunni er 26cm

• Olía + smá smör 
• 1/2 blaðlaukur smátt skorinn
• 2 meðalstórar bökunarkartöflur, smátt skornar 
• 1 krukka grilluð paprika (smá af olíunni líka eins og 2 msk)
• 9 Brúnegg , léttþeytt
• 1 dós sýrður rjómi 
• 100 g rifinn ostur
• Handfylli rifinn Parmesan ostur
• Salt og pipar

Aðferð: 

1. Hitið olíu og smjör á pönnu. (Athugið að það þarf að nota pönnu sem má fara inn í ofn)
2. Látið laukinn malla í olíunni/smjörinu í smá stund eða þar til hann verður mjúkur í gegn. Bætið þá kartöflum og steikið í 1 - 2 mínútur, því næst bætið þið grilluðu paprikunum út á pönnuna. Blandið öllu vel saman og kryddið til með salti og pipar, steikið á pönnunni í 3 - 4 mínútur. 
3. Á meðan létt pískið þið 0 egg og kryddið til með salti og pipar.
4. Bætið rifnum osti saman við eggin og hellið eggjablöndunni út á pönnuna. 
5. Steikið á lágum hita í 6 - 8  mínútur. 
6. Setjið eggjakökuna inn í ofn við 180°C í 15 - 20 mínútur eða þar til eggjakakan er stíf í gegn og gullinbrún. 
7. Berið eggjakökuna fram með klettasalati og stráið gjarnan rifnum Parmesan osti yfir. 

Ekki missa af Matargleði Evu öll fimmtudagskvöld klukkan 19:50 á Stöð 2. 

Njótið vel. 

xxx

Eva Laufey Kjaran Hermannsdóttir 

Allt hráefni sem notað er í þessa uppskrift fæst í verslunum Hagkaups. 

Chia grautur í krukku

 Chia fræ er mjög nærringarrík og eru flokkuð sem ofurfæða, það er því súper gott að byrja daginn á einum Chia graut sem er bæði fallegur og góður. Það tekur enga stund að skella í einn graut og finnst mér best að gera hann kvöldinu áður en þá þarf ég bara að grípa hann með mér í vinnuna og dagurinn verður strax þeim mun betri.

Chia grautur

• 1 dl chia fræ
• 2 dl möndlumjólk
• ½ kókosmjöl
• 1 dl frosin bláber
• Ferskir ávextir t.d. jarðaber, bláber og banani.

Aðferð:

Hellið chiafræjum, kókösmjöli og möndlumjólki í skál og blandið saman. Bætið bláberjum saman við, helst frosnum og blandið. Hellið grautnum í krukku eða skál og geymið í ísskápnum yfir nótt. Skreytið grautinn gjarnan með ferskum ávöxtur.

Njótið vel. 

Ekki missa af Matargleði Evu öll fimmtudagskvöld klukkan 19:50 á Stöð 2. 

xxx

Eva Laufey Kjaran Hermannsdóttir

Allt hráefni sem notað er í þessa uppskrift fæst í verslunum Hagkaups.

Sesar Salat með ljúffengri hvítlaukssóu

Sesar salat

Þetta salat er eitt vinsælasta salat í heimi og er það ekki að ástæðulausu. Kjúklingur, stökkt beikon, gott kál og annað ljúfmeti saman í eitt. Sannkölluð veisla fyrir bragðlaukana! Við byrjum á því að útbúa sósuna sem fylgir salatinu. 

Hvítlaukssósa

1 dós sýrður rjómi

1 tsk dijon sinnep

2 – 3 tsk majónes

1 tsk hvítvínsedik

1 tsk sítrónusafi

salt og pipar

2 hvítlauksrif

50 – 60 g nýrifinn parmesan ostur

Aðferð:

Maukið allt saman með töfrasprota eða í matvinnsluvél. Geymið í kæli áður en þið berið fram með salatinu.

Salatið.

3 kjúklingabringur, skornar í teninga 

Ólífuolía

Salt og pipar

Kjúklingakrydd

100 g beikon

Kál, magn eftir smekk (helst Romain salat)

1 agúrka

10 kirsuberjatómatar

Aðferð:

Skerið kjúklingabringurnar í bita og steikið upp úr olíu, kryddið til með salti, pipar og kjúklingakryddi.  Steikið beikonið á annarri pönnu eða steikið í ofni. Saxið kálið smátt og dreifið á fat. Skerið agúrkuna, tómatana og beikonið í litla bita og dreifið yfir kálið. Því næst bætið þið kjúklingabitunum og brauðteningunum yfir salatið. Í lokin rífið þið duglega af parmesan osti yfir allt salatið og ekki spara ostinn!

Hvítlauksbrauðteningar

Hvítt brauð

1 dl Ólífuolía

Salt og pipar

2 Hvítlauksrif

Aðferð:

Blandið saman olífuolíu, pressuðum hvítlauk, salti og pipar í skál. Skerið brauðið í teninga og veltið þeim upp úr hvítlauksolíunni. Leggið brauðteningana á pappírsklædda ofnplötu og bakið við 180°C í nokkrar mínútur eða þar til þeir eru gullinbrúnir og stökkir.

Njótið vel. 

Fylgist endilega með Matargleði Evu öll fimmtudagskvöld klukkan 19:50. 

xxx

Eva Laufey Kjaran Hermannsdóttir

Allt hráefni sem notað er í þessa uppskrift fæst í verlslunum Hagkaups. 

Himnesk Nutella ostakaka.

Í síðasta þætti mínum einbeitti ég mér að einföldum og fljótlegum réttum. Ég útbjó meðal annars þessa ómótstæðilegu ostakaka sem ég hvet alla til þess að prófa. 

Nutella ostakaka með heslihnetubotni

Botn:

• 250 g Digestive kexkökur
• 150 g smjör, við stofuhita
• 100 g heslihnetur
• 2 msk Nutella

Aðferð:

Maukið kexkökurnar í matvinnsluvél. Bætið smjörinu, heslihnetum og nutella saman við og maukið. Skiptið kexblöndunni niður í nokkrar skálar eða í eitt stórt form. Setjið inn í kæli á meðan fyllingin er útbúin.

Fylling:

• 500 g rjómaostur, við stofuhita
• 2 msk flórsykur
• 1 krukka Nutella
• 1 tsk vanilludropar
• 3 dl þeyttur rjómi

Aðferð:

Þeytið saman rjómaost, flórsykur, Nutella og vanilludropa. Þegar blandan er tilbúin bætið þið þeyttum rjóma saman við með sleif. Hellið ostablöndunni í skálarnar og setjið smávegis af rjóma, ristaðar heslihnetur og fersk jarðaber yfir.

Njótið vel. 

Matargleði Evu er á dagskrá öll fimmtudagskvöld kl 19:50 á Stöð 2. 

xxx

Eva Laufey Kjaran Hermannsdóttir

Allt hráefni sem notað er í þessa uppskrift fæst í verslunum Hagkaups.