Wednesday, December 30, 2015

Áramótakokteillinn


Á gamlárskvöld er tilvalið að bjóða upp á frískandi og bragðgóða kokteila, mér finnst voða gaman að búa til kokteila og ég vil að þeir séu einfaldir. Mojito er í sérstöku eftirlæti hjá mér og ég ákvað að setja hann í nýársbúning. Hann er afar einfaldur og það þarf ekki að kaupa alltof mörg hráefni til þess að búa hann til. Frískandi, bragðgóður og fallegur drykkur sem á eftir að slá í gegn í áramótpartíinu! Ég sá svo falleg brómber í Hagkaup í gær og mér datt strax í hug að nota þau í mojito, að sjálfsögðu getið þið notað hvaða ber sem er í þennan drykk og um að gera að prófa sig áfram. Sniðugt snarl til að bera fram með drykknum er poppkorn... í saltkaramellusósu að sjálfsögðu. 


Brómberja mojito


Fjögur glös 


  • 12 mintulauf
  • 16 brómber  blackberries
  • 4 tsk hrásykur
  • Klakar
  • 8 cl. ljóst romm
  • 4 cl. ímónusafi
  • Sódavatn eða sprite
Aðferð: Setjið mintulauf, brómber og sykur í glas, kremjið með endanum á sleif. Bætið rommi, límónusafa og klökum saman við og hrisstið. Sigtið blönduna í glös og fyllið upp með sódavatni. Skreytið gjarnan með brómberjum eða mintulaufum.






Njótið vel kæru lesendur. 

xxx

Eva Laufey Kjaran Hermannsdóttir 


Allt hráefni sem notað er í þessa uppskrift fæst í verslunum Hagkaups. 


Tuesday, December 29, 2015

Bomba ársins


Saltkaramella er gríðarlega vinsæl um þessa mundir og það má segja að árið 2015 hafi verið ár saltkaramellunar. Ég gjörsamlega elska þessa söltuðu karamellusósu og nota hana óspart. Mér fannst við hæfi að enda árið á alvöru súkkulaðibombu með saltkaramellusmjökremi, saltkaramellusósu og poppkorni með saltaðri karamellu. Sem sagt, saltkaramellu hinmaríki. Ég lofa ykkur að þið verðið ekki vonsvikin, hún er algjört sælgæti og passar fullkomnlega í áramótpartíið. Hún grípur augað strax og er svolítið mikil en það er nú þannig á áramótunum að allt er leyfilegt.



Sannkölluð karamellubomba


Súkkulaðibotnar
  • 3 bollar Kornax hveiti (1 bolli = 2,5 dl)
  • 2 bollar sykur
  • 3 egg       
  • 2 bollar AB mjólk
  • 1 bolli bragðlítil olía (ekki nota ólífuolíu)
  • 5-6 msk. kakó 
  • 2 tsk. Lyftiduft
  • 1 tsk. Matarsódi
  • 2 tsk. Vanillu exctract eða vanillusykur.

Aðferð: Hitið ofninn í 180°C (blástur). Blandið öllum hráefnum saman og hrærið í nokkrar mínútur eða þar til deigið er orðið silkimjúkt. Smyrjið tvö lausbotna form og skiptið deiginu niður í formin. Bakið við 180°C í 20 – 25 mínútur. Tíminn fer auðvitað eftir ofnum, eins og alltaf. Gott er að athuga baksturinn með því að stinga prjóni í kökuna, prjóninn á að koma hreinn út og þá er kakan klár. Leyfið botnunum að kólna alveg áður en þið setjið á þá krem. 

Saltkaramellukrem

  • 300 g smjör, við stofuhita
  • 500 g flórsykur
  • 4 msk karamellusósa (sjá uppskrift hér að neðan)
  • 1 - 2 tsk vanilla extract eða sykur
  • 1 - 2 msk rjómi eða mjólk 
Aðferð:  Það er mikilvægt að gefa sér tíma fyrir þetta krem. Þeytið saman smjör og flórsykur í 5 - 6 mínútur, stoppið tvisvar sinnum og skafið meðfram hliðum.Næsta skref er að bæta vanillu og rjóma/mjólk. Ég vil að kremið sé mjög mjúkt og þess vegna finnst mér frábært að nota smá rjóma en það er auðvitað hægt að nota mjólk líka. Þeytið kremið í 4 mínútur til viðbótar eða þar til þið eruð ánægð með kremið. Smyrjið kreminu á milli botnanna og yfir alla kökuna. Setjið kökuna í kæli eða inn í frysti í svona klukkustund áður en þið hellið karamellusósunni yfir, en með því að gera það þá bráðnar kremið ekki. 



Söltuð karamellusósa


Hráefni:
  • 200 g sykur
  • 2 msk smjör
  • ½  - 1 dl rjómi
  • ½ tsk sjávarsalt

Aðferð: Setjið sykurinn á pönnu og bræðið hann við vægan hita. Gott er að hafa ekki of háan hita og fara hægt af stað. Takið pönnuna af hellunni þegar sykurinn er allur bráðinn og bætið smjörinu saman við og hrærið vel. Hellið rjómanum út í karamelluna og hrærið þar til karamellan er þykk og fín. Í lokin bætið þið saltinu saman við. Leyfið sósunni að kólna alveg áður en þið hellið henni yfir kökuna. 

Skreytið kökuna með poppkorni með saltaðri karamellu, ég blandaði 1 msk af saltri karamellu við smávegis af poppkorni. 







Njótið vel kæru lesendur. 

xxx

Eva Laufey Kjaran Hermannsdóttir


Allt hráefnið sem notað er í þessa uppskrift fæst í verslunum Hagkaups.