Heitt piparmyntusúkkulaði er í miklu eftirlæti hjá mér, hér kemur einföld uppskrift að heitu súkkulaði.
Piparmyntusúkkulaði
1 líter mjólk
175 g suðusúkkulaði
1 stk pipp súkkulaði (40 g)
2 dl vatn
smá salt
Hitið vatn og látið súkkulaðið bráðna í því, passið ykkur á því að sjóða ekki vatnið. Hrærið vel í á meðan. Þegar súkkulaðið er bráðið þá bætið þið mjólkinni út í og hitið þar til fer að sjóða. Að lokum þá bætið þið smá salti út í, leyfið þessu að malla í smá stund við vægan hita.
Mér finnst best að þeyta rjóma og setja væna skeið af rjóma í minn bolla, en það er líka dásamlegt að setja vanilluís út í. Ég átti nokkra jólastafi sem ég braut í litla mola og sáldraði yfir súkkulaðið. Svo mæli ég líka með því ef þið eigið góða súkkulaðisósu t.d. þykka íssósu að dreifa smá sósu yfir rjómann. Það er sko aldeilis lúxus súkkulaði.
Ég mæli með heitu súkkulaði á köldum vetrarkvöldum, súkkulaði bætir og kætir.
xxx
Eva Laufey Kjaran
Þegar þú segir 1 stk pipp ertu þá að meina eina staka 40gr. lengju eða ?
ReplyDeleteJá eina staka 40 g lengju. Ætla að bæta því inn hér að ofan, tók það ekki fram áður. Betra að hafa það með ;)
DeleteNamm þetta verð ég að prufa! :-)
ReplyDeleteen hversu margir bollar er þessi uppskrift?
Jiiminneini hvað þetta er girnilegt! Ég elska piparmyntu í hvaða formi sem er :)
ReplyDeleteJá þetta verður klárlega prufað á næstu dögum í aðventunni :)
ReplyDeleteen hvað eru þetta ca. margir bollar ?? eða fyrir ca. marga er þetta?